Ежегодно в ноябре месяце проходит международный конкурс "Русский медвежонок- языкознание для  всех", где с удовольствием участвуют и наши ученики. Недавно стали известны резултаты конкурса. Ученица 3 класса Махубрахманова Чулпан (преподаватель Махубрахманова Л.Т.) стала победителем  и была награждена дипломом и мягкой игрушкой; ещё 5 учеников получили памятные призы, а остальные участники- сертификаты.

Бүген МБББУ "Зур Нөркәй урта мәктәбе"ндә районкүләм биатлон ярышы узды. Безнең мәктәптән 4 команда ярышты. Егетләребезнең чын спортсменнарча чаңгыда йөрүләренә һәм төз атуларына сокланып, горурланып тордык. Афәрин, егетләр! Алга таба да уңышлар сезгә!

Хәрби-патриотик айлык кысаларында, бүген МБББУ "Зур Нөркәй урта белем бирү мәктәбе"ндә  "Кызыклы стартлар" уены үткәрелде. 2-9 класс егетләре ике командага бүленеп ярыштылар. Алар үзләренең физик яктан нинди әзерлектә булуларын күрсәттеләр: җитезлеккә ярыштылар, турникта күтәрелделәр, аркан тартыштылар. Егетләребез сынатмады, барлык уен төрләрендә дә яхшы күрсәткечләргә ирештеләр.. 62:59 исәбе белән "Ялкын" командасы җиңеп чыкты. 

19 нчы февраль көнне Зур Нөркәй урта мәктәбендә "Яхшылык эшләргә ашыгыйк" дигән темага шигырь бәйгесе үтте. Бәйге Р.Миңнуллинның “Яхшылык” шигыре белән башланып китте. Гөлзар Алисовна укучыларны дөньядагы иң танылган игелек ияләре белән таныштырды. Алар  Тереза Ана, Әсгать Галимҗанов. Бәйгедә 1 урынны – Саетов Илгиз, 2 урынны – Шәмсетдинова Илзия, 3 урынны – Зарипова Адиля, Миннемухаметова Ильвина, Зәйниев  Эмиль  яуладылар. Барлык укучылар да  тырышып чыгыш ясады.

Буген МБББУ "Зур Нөркәй урта мәктәбе"ндә "Әфганстан - йөрәк ярасы" дип исемләнгән сбор үткәрелде. Сборга Әфгастан сугышында һәлак булган авылдашыбыз Абдульминов Рамиль  Равил улының әнисе Люция апа, Тукай районы Иске Абдул авылыннан "Гиндукуш" иҗтимагый музеен оештыручы Якупов Айбулат Мөнир улы, шул ук музейның җитәкчесе Якупова Резидә Равис кызы, Сәет авылыннан ветеран-әфганчы Габдрахманов Әбүзәр абый, Чураш авылыннан ветеран-әфганчы Хасанов Ильяс абый, Яр Чаллы шәһәреннән ветеран-әфганчы Ахметзянов Равил абыйлар килде. Сборны педагог- оештыручы Шакирянова И.Ш. әфган сугышы тарихы белән башлап җибәрде. Авылыбыз батыры Рамиль Абдульминов турында 10 класс укучысы Шакирова Азалия сөйләде. Сүзне Люция апа дәвам итте. Ул улының соңгы хатын укыды. Ветеран- әфганчылар Люция апа алдында бер гаепләре булмаса да, үзләренең исән кайтып, аның улы һәлак булганы өчен үзләрен гаепле итеп хис итүләре турында әйттеләр. Һәр ветеран-әфганчы үз тарихын сөйләде. Балаларга теләкләрен җиткерде. Сборыбызны йомгаклап, мәктәп директоры  Шайхеразиева Л.Н. ветеран-әфганчыларыбызга үзенең рәхмәтен белдерде һәм истәлекле бүләкләр тапшырды. Бу очрашу балалар күңелендә тирән эз калдырды.

17 нче февраль  көнне 6 класста "Әфганстан сугышы- йөрәк ярасы" дигән ачык класс сәгате үткәрелде. Гөлзар Алисовна укучылар өчен бик күп информация бирде.

Бүген безнең мәктәптә "Парламент-дәрес" кысаларында авыл җирлеге башлыгы һәм авыл советы депутаты Гайсин Рәшит Мөхтәр улы белән очрашу булды.Ул ззакон, парламент, конституция  турында аңлатма бирде. Нөркәй авыл җирлегендәге депутатлар белән таныштырды. Балаларга  викторина сораулары бирде. Балалар барлык сорауларга да дөрес итеп җавап бирделәр. Россия президентлары турында җәмгыять белеме уктучысы Карамоа И А. сөйләде. Очрашу бик күңелле узды.

Бүген безнең мәктәптә Халыкара туган тел көненә багышланган "Китапларда халкым язмышы" дигән чара үткәрелде. Аны мәктәп китапханәсе мөдире Сахбутдинова З.Ф. алып барды. Укучылар яңа китаплар белән таныштылар.. Үзләрен кызыксындырган сорауларга җавап алдылар.

Бүген безнең мәктәпкә Казан кооператив институтыннан доцент Гилемханов Марат Ильдарханович килде. Ул институттта менеджмент, инноватика, товароведение, сервис, туризм юнәлешләре буенча укырга мөмкин булганлыгын аңлатты. Уку өчен түләү шартлары белән таныштырды. Үзләренә укырга чакырды.

13 нче февраль көнне безнең мәктәптә Әлифба белән саубуллашу бәйрәме  булды. Бәйрәмгә Әлифба, Туган тел, Шүрәле, Убырлы килгәннәр иде. Алар балаларны төрле яклап  сынап карадылар. Ә балалар барлык сорауларга да дөрес итеп җавап бирделәр. Бәйрәм балаларга бик ошады. Балаларны мәктәп директоры Ләйлә Назимовна, укыту эшләре буенча директор урынбасары Лилия Насимовна, класс җитәкчеләре Лилия Махмутовна  һәм ата-аналары котлады.