Бүген мәктәп яны "Күңелле балачак" ял лагерына йөрүче балалар  "Без тынычлык  телибез!" темасына рәсемнәр ясадылар. Рәсемнәр бик матур һәм эчтәлекле килеп чыкты.

Кирәкми безгә сугыш.

Кирәкми безгә кан кою,

Кирәкми безгә сугыш!

Безнең теләк якты, матур,

Тыныч хезмәт һәм тормыш.

12 нче июнь-Россия көне.

Шул уңайдан, "Күңелле балачак" мәктәп яны лагерына йөрүче балалар белән эчтәлекле беседалар үтте. "С чего начинается Родина?" җырын өйрәндек. Соңыннан Россия көненә багышлап күмәк эш эшләдек. Бер-беребезне бәйрәм белән котладык, дөньяларыбызның тыныч һәм имин булуын теләдек.

Бүген мәктәп яны "Күңелле балачак" ял лагерының 9 нчы көне. 

Көнебезне үсемлекләр дөньясына багышладык. Нәтиҗәдә үз кулларыбыз белән бик матур картина иҗат иттек. Ул бик матур һәм эчтәлекле килеп чыкты.

Бүген мәктәп яны "Күңелле балачак" ял лагерының 8 нче көне.

"Күнелле балачак" мәктәп яны ял лагере үз эшен коррупциягә каршы көрәш белән дәвам итте. Укучыларга коррупция төшенчәсе аңлатылды, презентация күрсәтелде, балалар эчтәлекле рәсемнэр ясадылар.

Бүген мәктәп яны "Күңелле балачак" ял лагерының 6 нчы көне.

6 июнь - рус халык шагыйре А.С.Пушкинның туган көне уңаеннан көнебезне аның иҗатына багышладык. Китапханәгә экскурсиягә төштек, Ильмира апа А.С.Пушкин иҗаты белән якыннан таныштырды. Соңыннан А.С.Пушкин әкиятләренә рәсемнәр ясадык.

Бүген балаларда йорт һәм кыргый хайваннарга карата кызыксыну һәм сакчыл караш тәрбияләү максатыннан уенчык хайваннардан күмәк эш башкардык. Эшебез бик бай һәм эчтәлекле килеп чыкты. Кыргый һәм йорт хайваннары турындагы белемнәрне баеттык, аларның нәрсә белән тукланулары, яшәү шартларына ничек җайлашулары турында да  сөйләштек. Без нинди генә очраклар булса да аларны рәнҗетергә ярамаганлыгын беләбез. Табигать тарафыннан уйлау, сөйләшү кебек сәләтләр бирелмәсә дә, алар да бит җан ияләре! Алар да яратканга-ярату, ачуга-ачу, үчкә-үч белән җавап бирә ала икәнен онытмаска кирәк!

Бүген мәктәп яны лагерының 3 нче көне. Бүген без китапханәгә экскурсиягә бардык. Ильмира апа "Коррупциягә юк!" темасына әңгәмә үткәрде. Ришвәтчелек, ришвәт алучының да, бирүченең дә закон бозулары турында аңлатып китте. Безгә киләчәктә  мондый юлларга басарга ярамаганлыгын искәртеп үтте. Эчтәлекле, файдалы әңгәмә өчен Ильмира апага зур рәхмәт!

Бүген безнең Азалак төп гомуми белем бирү мәктәбендә "Күңелле балачак" ял лагеры эшли башлады. Лагерьны ачу Россия Федерациясе һәм Татарстан Республикасы гимннары астында флаглар күтәрү белән башланды. Биредә 15 бала күңелле һәм файдалы ял итәчәк????

Бүген, 1 июнь балаларны яклау һәм саклау көне дә! Шул уңайдан мәдәният йорты хезмәткәрләре белән берлектә күңелле уеннар оештырылды.

Балалар безнең дәвамыбыз, алар безнең яңа буын, безнең җаныбызның, тәнебезнең бер өлеше. Алар безнең кебек елмаялар, безгә ошап үсәләр, безнең гадәтләрне кабатлыйлар. Алар Аллаһы биргән мәхәббәт җимешләребез. Алар гомер буе мәхәббәттә, әти-әни назын тоеп яшәсеннәр. Бәхетле балалар күп булсын. Без әти-әниләрнең бу беренче бурычы! Гаилә институты нык булырга тиеш! Шул вакытта гына ятим балалар күп булмас.

Яратыйк, кадерлик, яклыйк, саклыйк балаларны тормыш әчеләреннән. Үстерик, белем бирик, барысы да чын кешеләр булып үссеннәр. Көч бирик, илһам бирик, мөмкинлекләр бирик. Һәм иң мөһиме - дөрес, ныклы тәрбия бирик балаларга. Шуннан соң гына балаларыбыз якланган да, сакланган да булыр! Һәрнәрсәне үзебездән башлыйк! 

Балаларыбыз бәхетле булсыннар!!!

Йөрәк түрендә җуелмас эз калдырган иң якты хәтирәләр кеше тормышының кайсы чорында күбрәк очрый икән? Мөган, чыклы үләннәрдә яланаяк йөргән, әти-әни белән җитәкләшеп бакчага килгән гамьсез, кайгы борчуларсыз балачактадыр.
Менә безнең балалар өчен дә дулкынландыргыч та, шатлыклы да һәм моңсу да бәйрәм көнебез килеп җитте. Моңсу, чөнки күптәннән көткән, әмма безнең өчен бик тиз килеп җиткән көн бу. Бәхетле, үзенең гаилә бәйрәмнәре , әти-әнинең уртасында, аның бармакларына тотынып, адымнарына өлгерергә тырышып йөгергән, әкияттәге тормышны чынбарлык итеп кабул иткән чиста балачак белән саубуллашу көне.