Чисталык айлыгы уңаеннан безнең мәктәп  бакчасында да эшләр башланды. 8 нче класс укучылары бакча җитәкчесе  Газизова Гөлнара җитәкчелегендә кишер,чөгендер утырттылар.

Бүген мәктәбебезгә кунакка Сарман кино челтәреннән Юрий Гагаринга багышланган кино килде. Кино барыбызга да ошады. Юрий Гагарин тормышыннан бик кызыклы вакыйгалар белдек.

        Безнең мәктәптә менә байтак еллар инде "Яшь талантлар" дигән курчак театры эшли. Аны өстәмә белем педагогы Лилия Галиева җитәкли. Түгәрәк членнары үзләренең репертуарларын гел баетып торалар.Быел Ф.Яруллинның " Кызыл алма " әкиятенә нигезләнеп "Хикмәтле алма" театрын әзерләделәр.Һәр елдагыча укучылар сәхнәләштергән әкиятләрен балалар бакчасында да күрсәттеләр. Балалар бакчасында безне бик җылы каршы алдылар.Нәни тамашачыларыбыз спектакльне бик ошаттылар.

3 апрель көнне мәктәбебездә әти-әниләр җыелышы булды. Әти-әниләр алдында  "Яшь талантлар"түгәрәгенә йөрүче укучыларыбыз Галиева Лилия Аскатовна  җитәкчелегендә Фәнис Яруллинның "Кызыл алма"әсәрен  сәхнәләштерделәр. Шулай ук җыелышта әти -әниләр алдында доклад укылды,иминлек,юл йөрү кагыйдәләренә сөйләшү булды.Соңыннан һәрбер класста әти-әниләр белән аерым сөйләшүләр булды.

    Без  Әлмәт авылы мәдәният йорты каршында уздырылган  Нәүрүз бәйрәмендә катнаштык. Бәйрәмдә төрле концерт номерлары белән чыгыш ясадык,уеннар уйнадык.Шулай ук тәмле боткадан ,коймактан авыз иттек. Бәйрәм барыбызгада ошады. Яхшы кәеф белән өйгә кайттык.

  Каникулга чыгар алдыннан барыбызның да күңелләребезне күтәреп  , сөендереп Нефтекамск  шәһәреннән цирк килде. Алар күрсәткән  серле фокуслар барыбызны да шаккатырды. Алар белән күңелле очрашуларны без тагын  көтеп калабыз.

Мәктәбебезнең җыр-моңга гашыйк балалары Юнысов Вильдан,Тимербаева Ләйсән,Насибуллина Алия,Госманова Настьялар Мортамак мәдәният йортында уздырылган “Җырлы-моңлы балачак “конкурсында катнаштылар.Юнысов Вильдан белән Тимербаева Ләйсән,

икенче турга үтеп, Сарманда уздырылачак гала концертта катнашачаклар.

Районда уздырылган чаңгы сезонын ябу ярышларында безнең мәктәп командасы да актив катнашты. 5 класс укучысы Тимербаева Исламия үз яшендәге балалар арасында 2 урын алып медаль һәм грамота белән бүләкләнде.Аны бу җиңүе белән чын күңелдән котлыйбыз,алга таба да зур үрләргә ирешүен теләп калабыз.

      Жасмин төркемендә 6 класс укучысы Насибуллина Айсылу  катнашты. Жасмин төркеме  хореография төркеменең урта звено балалар арасында 2 урын яуладылар.Алар бу җиңүләр өчен бик зур көч һәм тырышлык куйдылар.Жасмин төркеменә дә зур җиңүләргә ирешүләрен ,ә аеруча  безнең кызларга сабырлык,сәламәтлек теләп калабыз. Безнең мәктәптән дә кызларыбызның зур төркемнәр арасында булулары белән, Сарман районын яклап Казан шәһәре сәхнәләрендә чыгыш ясаулары белән без горурланабыз.