Студентлар белән очрашу.

          Безнең Әлмәт мәктәбендә төрле чаралар бик еш үткәрелә.Иң кызыклы чаралардан берсе студентлар белән очрашу кичәсе булды.Студентлар авыр кышкы сессиядән соң үзләренең яраткан мәктәпләренә җыелдылар.Алар һәр елны үзләрен укыткан укытучылары янына бик теләп җыелалар.Очрашу кичәсенә студентлар Фәтхетдинова Ләйлә,Сөләйманова Лилия,Хөснетдинова Лилия,Гайнетдинов Мансур,Хакимуллина Йолдыз,Галиева Индира,Мингазова Рүзилә,Рахимов Айнур,Рахимов Рәзил килделәр.Алар безне үзләренең укыган уку йортлары,студентлар тормышында була торган кызыклы вакыйгалар белән таныштырдылар.Соңыннан студентлар белән укытучыбыз Гайнетдинова Миляуша  Мизхат кызы оештырган “Акыл-тезген,белем-ат” дигән шаян интеллектуаль уен уйнадылар.Алар анда үзләренең белемнәрен,осталыкларын,тапкырлыкларын сынадылар.Студентлар белән очрашу кичәсе һәркемгә ошады.Югары сыйныф укучылары өчен студентлар белән очрашу,фикер алышу бик мөһим.Киләчәктә һөнәр сайлаганда мондый очрашулар безгә ярдәм итә

           Бүгенге көндә мәктәпнең бурычы-укучыларны белем җыелмасы белән коралландыру гына түгел,ә иҗади фикерли,инициатива күрсәтә белү,стандарт булмаган чишелешләр таба алу төп урында тора.

  Әлеге сыйфатларны булдыруда физика фәне зур роль уйный.Физика фәнен укыту процессында укучыларны активлаштыру юллары күп төрле.”Яшь физик” атналыгын үткәрү ,укучыларның фәнгә кызыксынучанлыкларын арттыра. Атналык дәвамында укучылар белән төрле кызыклы  фәнни-тәрбияви чаралар үткәрелде.Үткәргән чаралар кызыклы һәм эчтәлекле булды. Атналыкны йомгаклап катнашкан укучыларга урыннар һәм бүләкләр бирелде.

Поздравляем Сагитову Рузилю  Расиховну, занявшую II место в первенстве по лыжным гонкам среди женщин старше 40 лет  Сармановского муниципального района РТ

Әлмәт мәктәбендә физика укытучысы Сафина Альбира Федор кызы җитәкчелегендә физика атналыгы башланды."Яшь физик "дигән газетасы чыгарылды. Анда һәр сыйныф укучылары өчен мавыктыргыч ребуслар,башваткычлар һәм  физиканы үз эченә алган кызык сораулар бар.

Физика атналыгы дәвам  итә.27 нче гыйнвар көнне түбән сыйныф укучылары "Один против всех" ,28 нче гыйнвар көнне югары класс укучылары "Аңла мине" дигән физик ярышларда катнаштылар. Ярышлар бик эчтәлекле һәм мавыктыргыч булды.

26 нчы гыйнвар көнне Әлмәт авылы җирлегендә 2014 нче ел өчен отчет җыелышы булды.Мәктәп бу җыелышта түгәрәкләрдә эшләнгән кул эшләре белән күргәзмә оештырды.

Укытучылар һәм укучылар өйдә җитештергән ризыклардан ярминкә оештырдылар. Отчет җыелышына килгән кунаклар һәм авылдашлар ярминкәдәге ризыкларны бик охшатып алып кайтып киттеләр.

    15 нче гыйнвар көнне үткән ата-аналар җыелышында җирлек инспекторы Бадыков И.М. һәм педагог-психолог Ризатдинова Л.Р.катнашты.Җирлек инспекторы Илназ Мөнип улы суицидка һәм наркотик матдәләр куллануга каршы профилактика, балаларның сәламәтлегенә,физик һәм психик үсешенә зыян китерүдән саклану чаралары турындагы Татарстан Республикасының71 нче законы буенча аңлату эшләре үткәрде

       Педагог- психолог Лилия Рәис кызы әти-әниләр белән төрле тренинглар үткәрде.Бала тәрбияләгәндә еш очрый торган кыенлыкларны һәм аннан чыгу юлларын тәкъдим итте. Әти-әниләрнең  кызыксындырган сорауларга җавап бирде. Килгән кунакларның чыгышлары әти-әтиләрнең күнелләренә хуш килде.Бу очрашу барыбызга да файдалы һәм үтемле булды. Тагын ата-аналар җыелышларына килүләрен теләп калдылар.

Укучыларыбыз мәктәп янында чаңгы трассасында физкультура дәресләрендә, дәресләрдән соң да чаңгыда шуалар, ярышларга әзерләнәләр.