М. Җәлил туган көненә багышланган чараларда мәктәбебез укучылары актив катнашып, 3 нче класс укучысы Насибуллина Алия һәм 4 нче класс укучысы Шаймарданов Илназ диплом белән бүләкләнделәр.

Поздравляем Насибуллину  Айсылу  ,победителя  в номинации  "Самый добрый вожатый" в конкурсе "Замечательный вожатый".

    19 нчы февраль көнне Әлмәт төп  гомуми  белем  бирү мәктәбендә Сарман районы өстәмә белем бирү  педагогларының  РМО сы узды.  Семинар “Авыл мәктәпләрендә класстан тыш чараларның уздырылуы “ темасы  астында үтте. Семинарны өстәмә белем бирү  педагогы Галиева Лилия Әзһәт кызы уздырды. Ул килгән педагогларга  дәресләрдән соң үтә торган түгәрәкләрнең  төрләре, эшчәнлекләре  белән таныштырды.Мәктәптә  эшләп  килүче “ Яшь талантлар “  түгәрәгеннән  ачык  шөгыль  һәм  “Койрыклар”  дигән  курчак  театрын  күрсәттеләр.”Фоторамкалар ясау”дигән темага мастер класс узды. Соңыннан түгәрәк өстәл үткәрелде. Өстәмә белем педагогларының эшчәнлекләренә анализ ясалды,бурычлар куелды. Семинар файдалы һәм эчтәлекле булды.

Әлмәт төп гомумбелем бирү мәктәбендә 15-20 февральдә математика атналыгы узды. Атналыкта кызыклы мәсьәләләргә конкурс үткәрелде,кечкенә һәм югары класс укучылары викторина сорауларына җавап бирделәр. "Халык педагогикасы һәм математика" дигән класс сәгате уздырылды, укучылар белән берлектә   "Яшь математик" газетасы чыгарылды. Математика атналыгы кызыклы һәм мавыктыргыч үтте.

Хөрмәтле ир- ат укытучыларыбыз, малайлар һәм егетләр! Сезне чын күңелебездән 23 февраль — Ватанны саклаучылар көне белән котлыйбыз. Сезгә тыныч күк йөзе, ныклы сәламәтлек, бәхет, муллык , һәр эшегездә уңышлар теләп калабыз. Сез булганга имин булып ата таңнар. Тыныч-матур тормыш белән үтә айлар. Бәйрәмегез котлы булсын, ир-егетләр. Мәңге тыныч, имин торсын җирләр-күкләр.

 Хәрби-патриотик айлыкта мәктәбебез укучылары  авылыбызның геройлар исеме язылган һәйкәлгә венок салдылар.

Бүген мәктәбебездә  "Аҗаган" хәрби-патриотик уены булып узды. Укучылар үзләренең җитезлекләрен, тапкырлыкларын, көчләрен күрсәттеләр.

Әлмәт гомумбелем бирү мәктәбендә 8-13 февральдә инглиз теле атналыгы узды.Атналыкта югары класс укучылары викторина сорауларына җавап бирделәр,кечкенә класслар инглиз телендә җырлар җырладылар,шигырьләр сөйләделәр.Изге Вәли көне дә мәктәбебездә бик кызыклы үтте.Бу рәсемдә шушы атналыкта җиңгән укучыларны күрәсез.

Туган тел атналыгында мәктәбебездә төрле чаралар уза.15 февральдә, Муса Җәлил, туган көнендә китапханәдә шагыйрь иҗатын искә төшердек.Аның турында фильм карадык.Укучыларда чаралар зур кызыксыну уятты.Туган телебез турында класс сәгатьләре дә уза.

Укучыларыбыз "Лыжня Татарстана-2016" ярышында катнаштылар