Бүген мәктәбебезнең 11, 9 нчы сыйныф укучыларының Соңгы кыңгырау бәйрәме, 9 кыз һәм 8 малай укуларын тәмамлап , дәүләт имтиханнарын бирү алдында тора. Башкарма комитеты җитәкчесе урынбасары Закирҗанов Р.Р., мәгариф бүлеге хезмәткәре Галимҗанова Л.Р., авыл советы рәисе Шәмсиев Т.Р. һәм мәктәп директоры Нигъмәтҗанов Ф.Т.лар укучыларга, бәйрәм кунакларына үзләренең теләкләрен җиткерделәр.

Укучыларыбызга имтиханнарын уңышлы тапшырып, тормышта чын кешеләр булуларын теләп калабыз!

22 май көнне Казан шәһәрендә үтәчәк робототехника күргәзмәсенә мәктәбебездән, өстәмә белем бирү педагогы Дәүләтшин Н.И. җитәкчелегендә, 6 сыйныф укучысы Нигъмәтов Аяз бара.

Мәктәбебезнең сәламәтлекләре буенча төп физкультура  группасына  караучы 11-15 яшьлек  укучылары  ГТОның официаль  порталында  регистрация  үттеләр. Хәзер 24-25 нче май көннәрендә  районыбызда  узарга тиешле  ГТО фестиваленә катнашырга әзерләнәбез

15   май көнне   мәктәбебезнең 3 сыйныф укучысы Рәхимуллина  Алинә “Фәндә беренче адымнар”  дип аталган  эзләнү-проект эшләре  бәйгесендә катнашып кайтты  һәм  Рәхмәт хатына ия булды. 

14-15 май көнне Балалар иҗат Үзәге каршындагы мәйданда Дәүләтшин Нияз Илгизович җитәкчелегендә шөгыльләнүче балалар әлеге исем астында үткән күргәзмәдә катнаштылар. Хезмәттәшебезгә һәм техниканы үз итүче укучыларыбызга республикакүләм ярышта да уңышлар телибез.

2015 нче елның 13 нче маенда район мәдәният йортында "Ел укытучысы-2015" конкурсының җиңүчеләрен һәм лауреатларын котлау церемониясе узды. Мәктәбебезнең химия-биология укытучысы Хаҗиева А.Р., өстәмә белем бирү педагогы Дәүләтшин Н.И. Мәгариф идарәсенең Почет грамотасы һәм акчалата премия белән бүләкләнделәр.

Бүген 9нчы сыйныф укучылары татар теленнән имтихан тапшырдылар. Имтихан нәтиҗәләре куанычлы булсын дигән теләктә калабыз.

9 Май – Җиңү бәйрәме! 4 ел буена сугыш газаплары кичергән илебезгә тынычлык китергән беренче көн! Һәр ел саен без бу көнне шатланып, моңаеп һәм зур дулкынлану белән бәйрәм итәбез! Бүген Бөек Җиңүгә 70 ел. 8 май көнне мәктәбебез укучылары, укытучылары кулларына "Үлемсез полк" портретлары, шарлар һәм чәчәкләр тотып колонна белән авыл буенча обелискка төштеләр. Бәйрәмне  мәктәпнең тарих кытучысы Сафин И.Ф. башлап җибәрде, обелиск янына тантаналы рәвештә рейхстаг өстенә эленгән Җиңү флагы күчермәсен алып керделәр. Аннары  мәдәният хезмәткәре Мансурова С.С., җирле  башкарма комитеты җитәкчесе урынбасары Закирҗанов Р.Р., Сабиров Р.Х., авыл советы рәисе Шәмсиев Т.Р. һәм мәктәп директоры Нигъмәтҗанов Ф.Т.лар бәйрәм кунакларына үзләренең теләкләрен җиткерделәр. Тыл ветераны Халикова Рәшидә апа сугыш еллары ачысы турында сөйләде, күгебез аяз булуын теләде.Мәктәп укучылары Бөек Җиңүнең  70 еллыгы уңаеннан монтаж куйдылар. Бәйрәм обелискка венок, чәчәкләр кую белән тәмамланды.

7 май көнне Юлбат мәдәният йортында мәктәп укучылары һәм укучылары катнашында Бөек Җиңүнең 70 еллыгына багышлап, “Исәннәрнең кадерен, үлгәннәрнең каберен белик” дип исемләнгән концерт прогарммасы күрсәтелде.

6 май көнне Сабаның сәләтле балалар мәктәбе базасында Бөек Җиңүнең 70 еллыгына багышланган  “Филология, тарих, мәдәният, җәмгыять: яңа караш” дип исемләнгән  II республикакүләм  фәнни-гамәли конференция булды. Юлбат урта мәктәбенең 10 нчы сыйныф укучысы Кәримова Гүзәл, “Сугыш чорында кеше язмышлары” секциясендә катнашып, II дәрәҗәдәге Диплом белән бүләкләнде (җитәкчесе Галимуллина Дания Гайфетдиновна). Чын күңелдән уңышлары белән котлыйбыз!