13 февраль көнне мәктәп күләмендә "Мин яратам сине,Ватаным!"дигэн тема астында җырлар конкурсы узды.

10 февраль көнне мәктәбебездә "Чаңгы юлы 2023" үтте. Әлеге чарада барлык укучылар һәм укытучылар коллективы катнашты. Матур нәтиҗәләр күрсәткән укучыларыбызны җирлек башлыгы Ахмадуллин И.Р. акчалата бүләкләр белән бүләкләде. 

Күчкәнме бу залга

Дөньяның бар яме?

Күңелләр түрендә –

Әлифба бәйрәме!

Бу матур бәйрәмгә

Кушыл, дус, әйдәле!

Мәктәпне гөрләтсен

Әлифба бәйрәме!

Бүген 1нче сыйныф укучылары өчен "Әлифба" бәйрәме үтте. Укучылар үзләренең беренче зур уңышларын бәйрәм иттеләр. Укучылар тырышып китап укырга, язарга өйрәнделәр. Бәйрәмдә кунакларга матур җырлар, шигырьләр, биюләр бүләк иттеләр. 

Мәктәбебездә хәрби-патриотик уеннар дәвам итә. Бүген командалар арасында пионербол уены үтте. 2:0 исәбе белән "Орлан" командасы җиңү яулады. 

8 февраля 2023 года пройдет итоговое собеседование по русскому языку.  Итоговое собеседование является допуском к государственной итоговой аттестации по образовательным программам основного общего образования.

Общее количество баллов за выполнение всей работы – 20. Участник итогового собеседования получает зачёт в случае, если за выполнение всей работы он набрал 10 или более баллов.

На проведение итогового собеседования с одним участником итогового собеседования отводится примерно 15-16 минут.

Итоговое собеседование проводится во вторую среду февраля (8 февраля 2023 года) по текстам, темам и заданиям, сформированным Федеральной службой по надзору в сфере образования и науки.

Февраль ае -Хәрби - патриотик тәрбия айлыгы буенча мәктәбебездә күп төрле чаралар үтэ.Шуларның берсе - "Аҗаган - 2023" уены үткәрелә.Уенда укучылар ике командага бүленеп төрле спорт ярышларында көч сынашалар.Уеннар башланып китте, беренче ярыш "Шахмат" уены.

3-6 нчы февраль көннәрендә Казан шәһәрендә җәмгыять белеме фәненнән Бөтенроссия олимпиадаларының региональ этабы булып узды. Әлеге олимпиададан безнең мәктәптән 2 укучыбыз Хассамова Иркә һәм Хайруллина Адилә катнашты. Югары баллар җыеп Адилә призер статусына ия булды. Адиләне һәм җитәкчесе Саубанова Г.И. уңышлары белән котлыйбыз. 

2 нче февраль көнне укучыларыбыз "Дулкын" радиосы студиясендә "Мәктәпләр тормышыннан" тапшыруында уңышлы чыгыш ясап, яраткан җырларын бүләк иттеләр.

Укучыларда Ватанга мәхәббәт һәм бирелгәнлек, ата - анага, өлкәннәргә хөрмәт- итагать , хезмәт сөю, һөнәргә, белемгә омтылу, батырлык, гаделлек, сабырлык, тыйнаклык, юмартлык, пөхтәлек кебек күркәм сыйфатлар тәрбияләү максатыннан февраль ае мәктәбебездә хәрби-патриотик айлык буларак билгеләп үтелә. Айлык кысаларында план нигезендә бик күп чаралар, очрашулар оештырыла. 

28 январь көнне мәктәбебездә "Сагынып кайттык сине, мәктәбем!" дип исемләнгән студентлар очрашуы үтте. Очрашуга мәктәпне төрле елларда тәмамлаган, хәзерге вакытта Казан шәһәренең төрле югары уку йортларында белем алучы укучыларыбыз килгән иде. Алар туган йортларыннан чыгып киткәч очрашкан авырлыклар, имтиханнар, студент тормышы турында сөйләделәр. Укучыларның, укытучыларның сорауларына җавап бирделәр.