Бездә бүген Яңа Ел

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.

Яшел ылыслар артында
Әкият качып тора,
Эчендәге бар серләрне
Ачарга кызыктыра.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

                                                               Яңа бәхет, яңа шатлык

                                                              Алып килсен Яңа ел.

                                                                Яңа җиңүләре белән

                                                                 Котлы булсын Яңа ел.

Бизәлгән чыршы янында

Яңа ел барыбызга
Китерсен бәхет, шатлык.
Сәламәтлек юлдаш булсын!
Кирәкми башка затлык

Кәҗә елы үтте инде,

Безнеке алда көтә.

Маймыл елы кешеләргә

Уңышлар вәгъдә итә.

Җыелып җепшек кардан

Кар бабай ясап куйдык.

Матурлап аның күзләрен,

Авызын хәтта уйдык.

Нинди эш кушыйк аңа, дип,

Кичен уйлап тордык та -

Каравылга дип калдырдык

Бер таяк тоттырдык та.

Котлыйбыз барчагызны

Яңа ел бәйрәме белән.

Каршы алыйк Яңа елны

Бәхет, шатлыклар белән

Котлы булсын Яңа ел!                                          

Сагынып көткән бәйрәм бу!                                

Кешеләргә Яңа ел                                                  

Алып килгән бәйрәм бу!  

Мин, дусларым, Карчәчәк
Кардан йолдызлар ясап,
Җир өстенә яудырам,
Каплыйм җирне кар белән.
Яз җиткәч тә мин эрим,
Елгада агып йөрим.
Сезне чын-чын күңелдән
Котлыйм Яңа ел белән.
Укуда зур уңышлар
Мин телим сезгә, дуслар!