Тимершык мәдәният йортында "Тату сыйныф серләре" бәйгесенең зона туры булып узды. Әлеге бәйгедә Тимершык, Мичән, Шыңар, Симет мәктәпләре чыгыш ясады. Безнең мәктәп данын яклаучы 7 сыйныф укучылар һәм әти -әниләре матур чыгыш ясап,"Иң креатив сыйныф"номинациясенә лаек булдылар."Тәртип ФМ"командабыз залдагы тамашачыларны заманча чыгышы белән әсир итте. Сыйныф җитәкчеләре Гиниятуллина Илхамия Искәндәр кызы, сыйныфташлары, мәктәбебез укытучылары, укучылары, авылдашларыбызның алкышлары командабызны тагын да рухландырып җибәрде. Әлеге бәйгенең максаты – балаларны тәрбияләүдә белем бирү оешмалары һәм ата–аналар бердәм булып эшләгән иң яхшы коллективны барлау, аларны башкаларга үрнәк итеп күрсәтү. Шулай ук ата-аналар комитетлары белән мәктәп арасындагы үзара бәйләнешләрне ныгытуга, укучыларның иҗадый сәләтләрен ачуга юнәлгән.Шушы чараны оештыруда көч куйган өчен мәктәп директоры Галимов Илфат Рафинад улына "Рәхмәт хаты" тапшырылды. Бүгенге җиңү, җиңмәү ул бер ни түгел. Тормыштагы зур җиңүләргез әле алда да күп булсын !