Хәтерләүдән курыкма син!

Үткәнеңне онытма син!

Бел син ерак бабаларның

Ничек итеп көн иткәнен,

Нинди уйлар, нинди моңнар

Безгә калдырып киткәнен.

Бүген, Ватаныбыз азатлыгы өчен газиз гомерләрен биргән, сугышта исән - имин кайтып та инде бакыйлыкка күчкән ветераннарыбыз, әби - бабаларыбыз, туганнарыбыз, якыннарыбыз истәлегенә шәмнәр яндырып, һәйкәлгә чәчәкләр салып, искә алу чарасы уздырылды.

Ишеттегезме әле?

Белдегезме әле?

Балалар бакчасында

Дусларның туган көне.

Котлы булсын туган көннәрегез,

Көлеп торсын һәрчак күзләрегез.

Матур булсын тормыш юллларыгыз,

Сез бит безнең матур гөлләребез.

Бакчабызда татар халык иҗатына багышланган "Кем күбрәк табышмак белә?" бәйгесе булып үтте. Балалар табышмакларга җавап эзләргә  һәм үзләре дә табышмак әйтергә бик яраталар.Бу аларның сөйләм телен үзләштерергә, фикерләү сәләтен үстерүгә зур йогынты ясый. Балалар табышмакны әйтүче дә, җавабын табучы да буларак, үзләрен зирәк, тапкыр итеп күрсәттеләр. Табышмакларның җавапларын рәсемнәр ярдәмендә дә әйттеләр. Бәйге мавыктыргыч кызыклы һәм күңелле үтте.

Күңелле стартлар – балаларны урамдагы хәрәкәт активлыгына җәлеп итүнең иң кызыклы варианты. Шул уңайдан, бакчабызда балалар арасында "Күңелле стартлар" дип аталган бәйге булып узды. Чараның максаты: җитезлекне арттыру, бердәмлек рухын үстерү иде. Балалар ике командага бүленеп, барлык конкурсларда зур кызыксыну белән катнаштылар.

Асфальтта рәсем ясау - күңелле шөгыль, саф һавада йөрү, иҗат итү, баланың әйләнә - тирә дөньяны танып белүе. Дәртле музыка астында балалар төсле акбурлар белән асфальтта рәсемнәр ясадылар. Алар  кояш, чәчәкләр, күбәләкләр, салават күпере, әйләнә-тирә табигатьне ясадылар. Бәйрәм  бик күңелле узды, барысы да канәгать калдылар.

Җәйге чорда балаларның ялын күңеллерәк уздыру максатыннан саф һавада төрле чаралар оештырыла. 5 июньдә «Сабын куыклары бәйрәме» оештырылды. Балалар сыбын куыклары очырып уйнадылар һәм аларның матурлыгына һәм үзенчәлеклегенә сокландылыр. Сабыйлар бәйрәмнән бик канәгать калдылар. Чөнки бу алар өчен кечкенә генә тылсым.

Юлларда балалар катнашындагы фаҗигаләрне киметү максатыннан "Внмание дети акциясе!" кысаларында нәниләр өчен юлда һәм велосипедта йөрү кагыйдәләре искә төшерелде. Бик күп кагыйдәләрне үз эченә алган эстафета балаларның күңеленә хуш килде.