Балалар белән бергәләп саф һавада уйныйбыз, көзге табигатьне күзәтәбез. 

Балалар белән бергәләп өрәңге яфрагы җыйдык. 

Яфракларны төрле төскә буяп агачлар ясадык.Төсләрне кушырга өйрәндек.

Бүген без балалар белән квадрат һәм турыпочмаклыкның почмакларын кисеп гөмбәләр кисергә өйрәндек.

Сәламәтлекнең нигезен

Хәрәкәт тәшкил итә.

Шуңа күрә безнең көннәр

Гел хәрәкәттә үтә.

Сезгә эндәшеп калабыз:

Безнең арттан калмаска.

Бәрәкәтле хәрәкәттән

Һичкайчан аерылмаска.

Шаян көз безгә килгән
Буярга килдем дигән
Яшел утырган урман
Алтын төскә күмелгән
Көз аны буяп куйган.

“Йөзек салыш” уенын әби-бабаларыбыз болай уйнаганнар: уенчылар урындыкларга тезелешеп утыралар. Уенны алып баручы бии-бии аларның учларына “йөзек сала”. Алып баручының “Кемдә йөзек, йөгереп чык” дигән сүзләре әйтелгәч, “йөзекле” уенчы иптәшләренә сиздермичә генә торып, уеннан чыгарга тиеш, ә иптәшләре аны җибәрмәскә, тоткарларга тиешләр. Җиңелүчегә җәза бирелә.

Һава салкыная бара,
Аяк басабыз көзгә.
Сары төстә яфраклар да
Чалына инде күзгә.
Хушлаштык ямьле җәй белән,
Үтте дә каникуллар.
Бүген бәйрәм – белем көне,
Мәктәпкә илтә юллар.