Бөтенроссия күләмендә үткәрелгән экология көне уңаеннан бакчада Экология дәресе үтте. Чисталык, тәртип - сәламәтлекнең нигезе, шул исәптәп бакча территориясен булган чүпләрдән арындырдык.

Август ае яңа уку елына әзерлек чоры. Балалар бакчаларында шул уңайдан семинарлар булып узды. 20 август көнне Сабаның "Әллүки" балалар бакчасында тәрбиячеләр өчен, 21 август көнне мөдирләр өчен Сабаның "Кыңгырау" балалар бакчасында семинарлар үтте. "Кыңгырау" балалар бакчасында тәрбияләнүче балалар катнашында эшчәнлекләрне карап, тәҗрибә тупладык. Район мәгариф бүлегенең әйдәп баручы белгече А.Ш.Димухамитова, ГИБДД вәкиле И.Д. Насыбуллин чыгышларын тыңладык.

Бәләкәй Илсаф апасы белән бергә бакчага йөри башлады. 

Әй гөлләрем, гөлкәйләрем,

Яратыр идем кочып,

Уйнар идем арагызда,

Күбәләк булып очып.

Сатыш мәдәният йортына Г.Кариев исемендәге Казан татар дәүләт  яшь тамашачы театры  "Ак барс маҗаралары" исемле спектакле белән килде.  Ак барс Кытайдан Универсиада  утын алып кайту өчен төрле илләр аша үтә. Башка илләрдәге Универсиада  символы булган арыслан, көнгерә, куян белән очраша, аларны Казанга Универсиадага чакыра.

Балаларны яклау көне уңаеннан бакчада Сабантуй үткәрелде. Балалар төрле уеннарда - кашык белән су ташу, таяк тартыш, капчык киеп йөгерү һ.б. катнаштылар, бүләкләр алдылар.

 Бакчадан мәктәпкә китүче балаларны озату кичәсе булып узды. Балалар, җәнлекләр булып киенеп, "Урман мәктәбе"нә укырга бардылар.

"Казанда Универсиада"  атналыгы "күңелле стартлар" бәйрәме белән тәмамланды. Балалар төрле спорт уеннарында катнаштылар.