Безне һәркайда үсемлекләр, чәчәкләр, агачлар һәм куаклар чолгап алган. Үсемлекләрсез җирдә  тормыш булмас иде. Үсемлекләр безгә суларга булыша. Ә тагын алар ярдәмендә  кайбер авыруларны дәваларга була. Безгә бары тик нинди үсемлекләр дару булып тора һәм аларны ничек кулланырга кирәклеген генә белергә кирәк. Бүген зурлар төркемендә дару үләннәре турында әңгәмә кордылар, тәмләткеч үләннәр салып чәй ясадылар, рәсем ясадылар.

Бакчабыз матур булсын, гөл кебек балкып торсын. Кечкенәдән хезмәтне яратып үсәргә кирәк. Бүген зурлар төркеме балалары чәчәк түтәлләрендәге чүпләрне утадылар, аннары су сиптеләр.

Яхшы алымнар - кешеләрнең игелеклеге, әдәплелек, сабырлык, эмоцияләрнең тигезлеге. Бу уңай сыйфатларның барысы да безнең шәхесне формалаштыра һәм җәмгыятьтә эшләвен җиңеләйтә, шуңа күрә алар безнең гадәтләребез булырга тиеш. Балага яшьтәшләре белән элемтә урнаштырырга ярдәм итүче гап-гади аралашу культурасын сеңдерү мөһим: кычкырусыз һәм бәхәссез сөйләшә белү, үтенеч белән әдәпле мөрәҗәгать итү; уенчыклар белән бүлешергә, бер-берсе белән тыныч сөйләшергә, өлкәннәр белән әдәпле булырга. Бүгенге көнне зурлар төркеме балалары яхшы алымнар көненә багышладылар.

Кечкенәдән һәр бала юл билгеләрен танырга һәм белергә тиеш. Бүген зурлар төркемендә юл билгеләре иленә сәяхәт ясадылар. Төрле уеннар ярдәмендә белгән белемнәрен ныгыттылар.

Бүген зурлар төркеме балалары белән "Зәңгәр тамчы сәяхәте тарихы" дигән темага йомгак ясалды. Су белән бәйле уеннар уйналды.

Балалар өчен янгын куркынычсызлыгы - иң мөһим мәсьәләләрнең берсе, аңа балалар бакчасында тәрбиячеләр һәм әти-әниләр зур игътибар бирергә тиеш. Куркыныч килеп чыккан вакытта һәм аны булдырмау буенча дөрес итеп үз-үзеңне тоту кагыйдәләре турында бүген зурлар төркемендә әңгәмә алып бардылар. "Шырпы белән уйнарга ярамый" дигән билгене рәсемгә төшерделәр, төрле тәҗрибәләр үткәрделәр.

Ком -уеннар өчен менә дигән материал.Аны юешләп төрле әйберләр ясарга ясарга була. Ясаганны җимереп, яңадан төзергә мөмкин. Без зурлар төркеме балалары белән ком тартмасында юеш комнан төрле әйберләр ясап уйнадык.

Сабын куыклары очырту - балаларның иң яратып уйный торган уеннары ул. Бүген зурлар төркемендә сабын куыклары көне ясадылар. Сабын куыгын өйдә ничек ясарга икәнлеген өйрәнделәр. Урамда сабын куыклары очыртып уйнадылар.

Балыкчылык - табигатьтән файдалануның иң борынгы  төрләренең берсе, ул кешелек тарихында игенчелек һәм терлекчелеккә кадәр күп вакыт алдан барлыкка килгән. Вакыт узган саен балык тоту бик катлаулы һөнәргә әверелде.һәм кайвакыт куркыныч та. Бу хобби ир-атларны таң калдыра, шул ук вакытта табигать белән хозурланырга да мөмкинлек бирә. Бүген зурлар төркемендә әлеге һөнәр белән таныштылар.

Бүген бездә яңгыр һәм салават күпере көне. Салават күпере - гаҗәеп күк күренеше, аның беренче язгы яңгырлар белән бергә барлыкка килүе табигатьнең яңарышы, җәй килү, Җир һәм күк берлеге. Бүген зурлар төркемендә салават күпере төшенчәләре белән таныштылар. Салават күпере төсләрен беркетеп, асфальтка рәсем ясадылар.