1986 нчы елның 26 апрелендә 1 сәг. 24 минутта В. И. Ленин исемендәге Чернобыль атом электр станциясенең 4 блок реакторы шартлый. Шартлау вакытында температура 1600-1800 градуска җитә. Бу фаҗига кешелеккә бик зур зыян салды. БДБ илләренең 13 өлкәсе радиоактив матдәләр белән зарарланды. Аварияне бетерүгә Татарстаннан да 3500 ликвидатор чакырыла.

Быел бу фаҗигагә 30 ел. Шул уңайдан, мәктәбебездә "Чернобыль фаҗигасе кабатланмасын " дигән дәрес үтте.

Мәктәбебездә ТР Җир Хартиясенең 15 еллыгы уңаеннан  эш башланды. 6 сыйныф укучылары  класс җитәкчеләре  Шарифуллина Г.А. белән "Салкын чишмә" буен чистартырга бардылар

Г. Тукайның 130 еллык юбилее уңаеннан чаралар дәвам итә. Бүген Мусина Җ.Х. 6 класс укучылары белән шагыйрь иҗаты буенча викторина үткәрде.

22 апрель - Бөтендөнья Җир көне уңаеннан "Җиребезне саклыйк!" дигән тема астында чаралар үтте.

Г. Тукайның 130 еллыгы уңаеннан башлангыч сыйныф укучылары катнашында шигырь бәйрәме үтте. 

Бүген 5-6 нчы класс укучылары катнашында әдәби- географик квест үткәрелде. Укучылар  ике командага бүленеп, 7 станция уздылар. Һәр станциядә аларны кызыклы биремнәр, сюрпризлар көтеп торды.Балалар М.Твенның "Том Сойер маҗаралары" әсәре һәм география фәне буенча белемнәрен күрсәттеләр.

"Мәрхәмәтле Татарстан" акциясе кысаларында "Кем ул донор?" дигән темага әңгәмә үтте. Укучылар донорларның игелекле эшләре белән таныштылар, үзләрен кызыксындырган сорауларга җаваплар тыңладылар, рәсемнәр ясадылар.

"Спортивный Татарстан" акциясе  кысаларында флешмоб узды.

Әлеге акциянең бүгенге көне "День доброго кино" исеме астында үтте. Башлангыч сыйныф укучылары кино сәнгате, Россия киносы тарихы белән танышканнан соң, гомумкешелек сыйфатлары тәрбияләүче "Живые сердца" документаль фильмын карадылар. Яраткан мультфильмнарына иллюстрация  ясадылар.

Г.Тукайның 130 еллыгы уңаеннан чаралар  дәвам итә. "Тукай иҗаты  безнең рәсемнәрдә" дип исемләнгән күргәзмә үтте.