"Гаилә һәм мәктәп" ата - аналар форумында катнашып, интерактив квест - "Идел буе халыклары - тату гаилә" - төрле халыкларның гореф - гадәте, йолалары белән танышуның дәрестән тыш формасында белемебезне сынадык. 

Барыбыз да өмәдә. Мәктәп яны бакчасында җир кипмәнләү, орлык чәчү, тырмалау, кумдерелгән орлыкка сулар сиптек.  

Туган якны өйрәнү буенча "Милли эзләнүләр" проекты астында үтүче Туган телләр һәм Халыклар бердәмлеге елына багышланган укучылар һәм укытучыларның "Туган телемнең серләрен ачам" районара фәнни - гамәли конференциясендә безнең "БӘЛЛҮР" вокал ансамбле I урын алды. Җитәкче Һадиева Г.Н. Котлыйбыз!

Мәктәп яны агачлыгында агачлар- яшь үсентеләр утыртылды. Нарат, чыршы җәен дә, кышын да гел яшел. 

Музей түгәрәгенә йөрүче укучылар туган як табигатенә сәяхәт оештырдылар. Искиткеч матурлык, саф һава, табигать гүзәллеге укучыларның кәефен күтәрде, тырышып укырга этәргеч бирде. 

3 нче сыйныф укучылары тәрәзә төбендә матур - матур гөлләр үстерү буенча шөгыльләнәләр. 

Бездә ГАПОУ "Казанский педагогический колледж" студенты Сәйфетдинова Алсу практика үтә. Аның белән берлектә "Туган телләр һәм халыклар бердәмлеге" исемле гәҗит чыгардык. Сәхифәдә мәктәбебездә татар теленә багышлап үткәрелгән барлык төр чаралар урын алды. 

Китапханә мөдире Гараева С.С. 4 сыйныф укучылары белән библиографик дәрес үткәрде. Алар энциклопедиялщр турында мәгълүмат алдылар. 

Китапханә мөдире Гараева С.С. 2 нче сыйныф укучылары белән "Габдулла Тукай безнең белән" дип исемләнгән уен - викторина үткәрде. Укучылар бик актив булдылар. 

Башлангыч сыйныф укучылары белән, чишмәләр белән танышу максатыннан, сәяхәт оештырылды. Яңа Мичән авылында яшәүче укучылар "Күлләр" һәм "Флер" чишмәләрен карадылар, тирә - юнен чистарттылар. Рәхәтләнеп ял да итеп кайттылар.