Кояшкай” лагерында ял итүчеләр өчен “Сәламәтлек атнасы” бара. Бүген план буенча  хәрәкәтле уеннар, елга буена сәяхәт оештырылды. Алар саф һавада рәхәтләнеп уйнадылар һәм шат күңел белән таралыштылыр. 

1 июнь көнне мәктәп каршында ял һәм сәламәтлек  лагеры ачылды. “Кояшкай” лагерына 30 укучы йөри. Лагерьның флагын күтәрү уку алдынгысы Галимуллин Булатка тапшырылды. Лагерьда Балаларны яклау көне уңаеннан Сабантуй, асфальтка рәсем ясау чаралары оештырылды.

Соңгы кыңгырау ул, урта мәктәпне тәмамлап, зур тормышка, олы дөньяга юлланган егетләр һәм кызларны алдагы көннәрнең гаҗәп 

15 май көнне мәктәптә гаилә көне уңаеннан чаралар үткәрелде. 3 нче сыйныф җитәкчесе Мифтахова Г.Р. Зариповлар гаиләсе белән таныштырды. 1 нче сыйныф укучылары  өйдә авырып ятучы Байназарова Мәликәнең хәлен беләргә бардылар. 2 нче сыйныф та “Минем гаиләм”  рәсем конкурсы  оештырылды.  5- 6 нчы сыйныф укучылары әти- әниләр өчен “Бүләгебез булсын сезгә безнең йөрәк җырыбыз”   әдәби- музыкаль  кичә оештырдылар. 

12 майда Бердәм экологик дәрес үткәрелде. Әлеге чарада барлык укучылар, укытучылар   актив катнашты: кыр – ышыклау  полосалары  чүптән, иске, корган ботаклардан чистартылды. Тирә- ягыбыз матурланып калды.

Бүген 8 май көнне Җиңүнең 69 еллыгын бәйрәм итү тантанасы булды. Бәйрәмгә сугыш ветераннары килә алмады. Алар исеменнән Сафиуллин Ислам Исламовичның улы Исламов Ринат Исламович чыгыш ясады, әтисенең истәлекләре белән уртаклашты.

Бүген варислар оешмасы членнары Ахмадиева А.Р. җитәкчелегендә Иске Мичән авылында "Таң" чишмасен чистарттылар. Чишмә яны матурланып, яктырып калды.

Яз  башлану белән  мәктәптә имтиханнарның якынлашуын ныграк тоябыз.  Атна дәвамында барлык фәннәрдән дә консультацияләр дәвам итте.  Ата – аналар җыелышлары үткәрелде. Укучыларга һәм ата – аналарга имтихан бирү тшртибе, имтихан билгеләре, аппеляциягә бирү турында аңлатылды.

Бу атнада конкурслар, иҗади бәйгеләрдә катнаштык. “Шәфкатьлелек атнасы” акциясе , Урман көне, Карга боткасы үткәрелде. Тимурчылык эше дә  дәвам итте. Мәктәп бакчасында, мәктәп территориясендә атна дәвамында эш гөрләп барды.

26 апрель көнне бөек Тукаебызның туган көне уңаеннан Туган тел көне билгеләп үтелә. Бу көнне мәктәптә Тукай иҗатына багышланган конкурслар, күргәзмәләр оештырылды.  Тукаебызның иҗатына  сокланып, матур – матур шигырьләрен тыңладык.