7 март көнне  бакчабызда “8-март  халыкара   хатын-кызлар  көне”нә  багышланган  бәйрәм  иртәсе булып  узды. Бәйрәмгә  кунакка  әниләр дә, әбиләр дә, дәү әниләр дә  килгәннәр  иде.  Бәйрәм бик  күп төрле  кызыклы  ярышлар белән үрелеп алып барылды . Балаларыбыз бик матур итеп шигырьләр сөйләп, биеп һәм җырлап үзләренең әниләрен,әбиләрен сөендерделәр. Үзләренең әзерләгән бүләкләрен тапшырдылар.

Кадерле әниләр,әбиләр,кызлар сезне язның ямьле бәйрәме белән котлыйбыз..Яз сулышы гаиләгезгә муллык,тәннәрегезгә саулык китерсен.Теләкләрегез тормышка ашсын,көннәрегез ямьле булсын.

Балалар таякчылар ярдәмендә танк, ракета, корабль, самолёт төзеделәр. Балаларның күзаллау, уйлап эш итү сәләтләре үсте, сенсор осталыклары артты.

Әтиләр - безне яклаучы,

Әтиләр - безнең терәк.

Әтиләр янда булганда

Тынычлап тибә йөрәк.

20 февраль көнне бакчабызда Ватанны саклаучылар көне уңаеннан әтиләребезгә, бабайларыбызга багышланган бәйрәм кичәсе узды. Әлеге чарага балалар бик зур әзерлек алып барды, җырлар, биюләр, шигырьләр барысы да чын күңелдән башкарылды. Бәйрәмдә әтиләр дә сынаулар аша үтте, төрле конкурсларда катнаштылар. Балаларның һәрбер чыгышларын әтиләр алкышларга күмде. Бәйрәм азагында балалар әтиләренә үз куллары белән ясалган бүләкләрен тапшырды. 

Бакчабызда юл йөрү кагыйдәләре буенча мавыктыргыч һәм файдалы чара үткәрелде. Балалар юл йөрү хәрәкәте кагыйдәләре , юл билгеләре, светофор сигналлары, урамда һәм юлда үз- үзеңне тоту кагыйдәләре буенча белемнәрен ныгыттылар. Светофор белән кызыклы уеннар уйнадылыр. Чара юл йөрү кагыйдәләре турында шигырьләр, җырлар белән урелеп алып барылды.  Шулай ук бәйрәмдә Саба районы ЮХИДИ хезмәткәре Ягаффарова Гүзәл Назифовна катнашты. Ул балаларга юлда үз-үзеңне тоту кагыйдәләре турында сөйләде, кызыклы сораулар бирде. Имин юллар теләп бүләкләр тапшырды.

ЮХИДИ хезмәткәре Гүзәл Назифовна бакчабызда тәрбияләнүче Мубараков Илданга грамота һәм истәлекле бүләк тапшырды. Ул район күләмендә оештырылган   иң яхшы яңа ел уенчыгы "Символ году на посту" (юл йөрү кагыйдәләре буенча) конкурсында катнашып 3 урынга лаек булды. Чын күңелдән котлыйбыз.

Әвәләү эшчәнлегендә балалар белән спорт, аның төрләре турында әңгәмә үткәрелде һәм алар яраткан спорт төрләрен пластилиннан әвәләделәр.