Йөрәкләрдән мәңге китмәс инде

Утлы еллар, поход юллары

Туган якка кире кайтмадылар

Һәр авылның күпме уллары

Япь - яшь килеш алар мәхрүм калды

Бу тормышның барлык назыннан.

Исемнәре һәйкәл күкрәгендә

Авыл саен тезеп язылган.

Традициябезгә  тугры калып Мишәбаш “Тюльпан” балалар бакчасы коллективы быелгысы елда да табигатебезне яшелләндерү максатыннан, Мишә елгасы ярлары буена  миләш, сәрви, чия куаклары утыртты. Балалар үзләре дә  бу күңелле  вакытны көтеп алалар. Табигать  яшелләнеп, язгы мөхиткә күмелеп барганда аларның да изгелекләр эшләп  каласылары килә. Табигатьнең  матур булуы һәркем өчен күңелле. Шуңа күрә  дә без үзебезгә  бу эшкә барыбызның да өлеше керсен дип  максат итеп куйдык . Табигатебезне төрле күңелсезлекләрдән саклыйк, аның кадерен белик. Утырткан  агач – куакларны күреп бергәләп сөенеп яшик.

Бүген бакчабызга Саба районы "Юл хәрәкәте иминлеге"  дәүләт инспекциясенең профилактик эшләр бүлеге җитәкчесе Ягафарова Гүзәл Назиф кызы кунакка килде. Балалар  ачык шөгыль аша үзләренең белемнәрен күрсәттеләр. Гүзәл Назиф кызы балаларга сораулар бирде һәм истәлекле бүләкләрен тапшырды.

Әле укый белмәсәктә,

"Туган телне" җырлыйбыз.

Бу - Тукай абый бүләге,

Иң гүзәл бер җыр, дибез.

14 че апрель көнне хөрмәтле җитәкчебез Газизова Нурфия Лотфулла кызына 55 яшь

Без аны чын куңелебездән шушы олуг бәйрәме белән котлыйбыз! Аңа исәнлек-саулык, тазалык-байлык, җан тынычлыгы телибез! Ул үзенең  балалар бакчасындагы хезмәт юлын 1991 че елдан  башлый. Бар көчен,тырышлыгын  куеп балалар Һәм әти-әниләр ,хезмәттәшләре арасында  олы рәхмәт хисләренә лаек җитәкче. Без ана киләчәктә дә зур уңышлар теләп калабыз, коллектив Һәм әти-әниләр исеменнэн зур рәхмәтебезне җиткерәбез! 

1 че апрель көнне пешекчебез Фазлыева Гүзәл Мәхмүт кызына 50 яшь.

Бакчабызда күп еллар балаларны тәмле сыйлары белән сөендереп торучы Гүзәл апабызның туган көне. Бөтен хезмәттәшләре исеменнән аны туган көне белән котлыйбыз. Аңа эшендә уңышлар, гаилә тынычлыгы, балаларының, оныкларының хөрмәтен тоеп, озак еллар яшәвен телибез!