Әткәй, әнкәй, мин, апай, әби, бабай һәм бер песи -

Безнең өйдә без җидәү: безнең песи - җиденчесе...,- дип язган бөек шагыйребез Г. Тукай.

Без туганнарыбыз белән аралашып, йөрешеп, ярдәмләшеп яшәргә тиеш. Ә туганнарыбызны балаларыбыз да белеп үссеннәр өчен, нәсел җебе өзелмәсен өчен, ШӘҖӘРӘ - нәсел агачы төзү ярдәмгә килә. 

Бу айда мәктәпкә әзерлек төркемендә ШӘҖӘРӘ конкурсы игълан иткән идек. 6-7 буынны белүче гаиләләребез дә бар икән!!! Катнашкан гаиләләргә зур рәхмәт!  

Бу көнне уртанчылар төркеме балалары әниләр өчен бәйрәм концерты күрсәтте. Алар бу бәйрәмгә бик тырышып әзерләнделәр.Әниләр турында җырлар җырладылар, шигырьләр сөйләделәр һәм биюләр башкардылар.Әниләргә үз куллары белән ясалган открытка бүләк иттеләр.Хәтта "Әниемә бүләккә" дип исемләнгән китапчык та ясадылар.Бәйрәмнән соң әниләр дә, балалалар  да шат күңел белән өйләренә кайтып китте.

Дети подготовительной группы вместе с учениками  школы выступили в клубе нашего поселка, поздравили любимых мамочек с праздником.

Белегез сез, ӘНИЛӘРНЕ

Кирәк безгә сакларга.

Аларның ышанычларын

Һәрвакытта акларга.

Әниләрне тыңлагыз,

Рәнҗетмәгез, сөегез!

Җир йөзендә иң кирәкле

Алар - шуны белегез!

Зурлар төркеме балалары бүген тырышып әниләренә матур чәчәкләр ясадылар. Балаларыбызның шат елмаюы, күңел җылысы барлык әниләргә бүләк булсын!!! 

Уртанчылар төркеме балалары тәрбияче апалар белән авыл китапханәсендә экскурсиядә булдылар. Алар атна буенча китаплар турында алган белемнәрен тагын да тулыландырдылар.Бу чара аларга бик ошады. Алар киләчәктә дә монда килеп китаплар укырлар дип ышанып каласы килә.

Китап- киңәшчең синең,

Дустың, ярдәмчең синең,

Ул хөрмәткә бик хаклы-

Кадерлә син китапны!

Балалар бу атнада ерак Африка hәм Төньякка сәяхәт иттеләр.Андагы хайваннар, аларның яшәү шартлары белән таныштылар, аларны рәсемгә төшерделәр. Рәсем күргәзмәсе балаларга да, әти-әниләргә дә бик ошады.

Уртанчылар балалары-

Җитез,өлгер һәм зирәк.

Тиздән үсеп зур булырга

Сәламәт булу кирәк!!!