" Урман-безнең байлыгыбыз!" дигән сүзләренең дөреслегенә ышанып кайтты бүгенге экскурсиядән балалар. Бакчабызның зурлар һәм мәктәпкә әзерлек төркеме балалары тәрбиячеләре белән Лесхоз бистәсендә урнашкан дендрологик бакчада һәм урман музейында булдылар. Аннан барыбыз да бик тәэсирләнеп, канатланып,  күп мәгълүмат җыеп кайттык.

Балаларның сәламәтлеген ныгыту, организмнарын чыныктыру эшен дәвам итү буенча, уртанчылар төркеме балалары иртәнге гимнастиканы саф һавда ясыйлар.

Балалар бакчасы тирәли  нинди яшелчә, җиләк-җимешләр үсүен балалар белә инде. Атнага ике тапкыр аларның ничек үсүен, чәчәк атып ,җимеш бирүләрен күзәтәбез. Балалар аларның исемнәрен  истә калдыра, үсеш-үзгәрешләрен әйтә, өйдә һәм бакчада булган яшелчә, җиләк-җимешләрне чагыштыра.

Бүген "Нәни янгын сүндерүчеләр" атналыгын йомгаклау чарасы буларак бакчабызга 129 нчы янгын сүндерү бүлегеннән  "чын"янгын сүндерүчеләр килде.  Алар балаларны янгын сүндерү машинасы, аның җиһазлары,   янгын сүндерүчеләрнең киемнәре белән таныштырдылар.  Бик кызыклы, мавыктыргыч очрашуны оештыручы Сергей Романовка зур рәхмәтлебез.

Дүшәмбе бакчабызга килсәк, андагы матурлыкка ис китте. Яңа җиһазлар белән чуарланган ишек алдын күреп балаларыбыз сөенде. Хәзер алар чиратлашып тау шуа, атынгычларда атына ала. Нәниләребез бик шат.

Бакчабызның ясле төркеме балалары адаптация чорын уңышлы үтеп, яңа һөнәрләргә өйрәнә башлады. Алар төзү материаллары, курчаклар, машиналар белән бик яратып уйныйлар. Бакча тормышы аларга бик ошый. 

Бакчабызның участокларына уен өчен яңа, матур корылмалар куелды. Балалалар бу җиһазларны бик яратып кабул иттеләр.

Тау башына салынгандыр безнең авыл,

Бер чишмә бар, якын безнең авылга ул,

Авылыбызның ямен, суы тәмен беләм,

Шуңа күрә сөям җаным, тәнем белән.

                                                                                                                                                                                                                                                                                Г. Тукай.

Бакчабызда җәйнең һәр көнен файдалы һәм күңелле уздырабыз. Уртанчылар төркеме балалары белән Сабабызның матур урыннары буйлап сәяхәт кылырга булдык. Балалар спорт мәйданчыкларында рәхәтләнеп уйнадылар, күңел ачтылар. Елга буендагы матурлыкка сокланып, бакчабызга юлны дәвам иттек.

Бүген, 20 июль - Халыкара шахмат көне. Шул уңайдан безнең балалар бакчасы да шахмат көнен билгеләп үтте. Балаларны презентация ярдәмендә шахмат уенының тарихы белән таныштырдык. Шулай ук кызыклы мультфильм да карадык.