Борынгы заманнардан ук Салават күпере гадәти булмаган уңыш һәм бәхет символы булып саналган. Күктәге төрле төстәге якты дуга аны күргән һәркемнең күзләрен сөендерә, һичшиксез, кәефен яхшырта. Шуңа күрә без тәрбияләнүче балалар белән аларның кәефен «кәеф Салаваты» ярдәмендә тикшердек. Безнең максат-балаларнын кәефен һәм аның тирә-юньдәгеләргә йогынтысын аңлауга кызыксыну уяту.
 "Кәеф салаваты" балаларның кәефен күтәрергә генә түгел, ә балаларның балалар бакчасына нинди кәеф белән баруларын ачыкларга да ярдәм итә. Бу процесс барышында балалар бүгенге көндәге кәефләренә иң охшаган төсне сайладылар һәм Салават күпере өстенә үзләренең кәефләрен чагылдырган төрле төстәге болытлар белән  бизәделәр. Гадәти булмаган шөгыль балаларның  йөзләрендә елмаю, бераз гаҗәпләнү,  ягымлылык,  җанлану, шатлык һәм соклану уятты. Билгеле төсне балалар чын күнелләреннән чыгып сайладылар.