Мәктәпкә әзерлек төркме балалары бүген яшь инженерлар булдылар. Бушаган шырпы капларын төсле кагәзьләр белән тышлап машиналар ясадылар. Аларны йөртү өчен махсус юллар төзеп уйнадылар.

Бүген зурлар төркеме балалары белән "Юлда булсаң, юл кагыйдәсен нык бел!" темасына бердәм белем бирү эшчәнлеге үтте. Тәрбияче Сабирова Р.Р. квест-уен аша балаларны юл йөрү кагыйдәсенә төшендерде. Балаларны юл йөргәндә игътибарлы булырга, машина юлында түгел махсус майданчыкларда уйнарга кирәклеген искәртте. Юл билгеләре төрләрен өйрәтеп аларны таный, аера белергә күнектерде.

"Россия - зур дәүләт", "Халыклар бердәмлеге" атналыгы барышында балалар туган илебез, анда яшәүче халыклар турында белемнәрен баеттылар. Россиянең башкаласы Мәскәү шәһәре, Россия символикасы турында мәгълүмат тупладылар. Икенче кечкенәләр төркеме балалары кисеп ябыштыру эшчәнлеге барышында Россия флагы белән таныштылар, төсләрен истә калдырып, әзер төсле тасмалардан флаг ясап ябыштырдылар.

Балалар халык уеннарын  яратып уйныйлар. Халкыбызның гореф-гадәтләре, йолалары, тормыш-көн күреше чагылыш тапкан бу уеннар балаларда өлгерлек, тапкырлык, күмәклек, ярдәмләшү, сабырлык кебек күркәм сыйфатлар тәрбияли. Татар халкының "Түбәтәй" уенын балалар теләп уйныйлар, уен барышында осталыкларын, һөнәрләрен күрсәтәләр.

Игра - головоломки нравятся и детям и взрослым. Они увлекательны, развивают сообразительность и нестандартность мышления, поднимают самооценку, не требуют специальных знаний. Одним из самых известных головоломок является танграм - разрезанный на семь частей квадрат. Их необходимо сложить определенным образом для получения более сложной фигуры, изображающий человека, животных, растений, предметов и т.д.