Китап уку, аны ярату ул кечкенәдән тәрбияләнә. Бигәнәй “Ромашка” бакчасына йөрүче балалар белән  10  нчы октябрь көнне Бигәнәй авылы китапханәсенә сәяхәт кылдык.

Китапханәче Нәзирә апа бик теләп, ачык йөз белән каршы алды үзебезне. Барыбызда игътибарны китапханәче апага юнәлтеп аннан тылсым көтәбез. Менә Нәзирә апабыз балаларга ипләп кенә, үзенә хас матур тавышы белән китап турында берничә табышмак әйтте. Балалар җанланып җавап эзләргә тотына.Кайда килгәннәрен истә тотыпмы, җавапны тиз таптылар үзләре.

Бик матур алым, зур осталык белән китапханәче апа барыбызны да шушы сихри китап иленә, аның искиткеч матур дөньясына алып кереп китте. Кыскача гына, ләкин бик аңлаешлы итеп китап язу тарихыннан башлады ул сүзен. Аннан инде китапханә тормышына алып керде. Китапханәнең ни өчен кирәклеген, аның нинди заллардан торуын, китап киштәләре һәм аның бүлекләрен аңлатканын һәр бала йотлыгып тыңлады

Кош- канаты белән, кеше дуслары белән көчле.

3 октябрь - балалар сәламәтлеге көне.

Уеннар ярдәмендә балаларның хәрәкәт һәм танып белү активлыгын үстерү. Каршылыкларны җиңүдә мөстәкыйльлекләрен үстерү

Уеннар ярдәмендә балаларның хәрәкәт һәм танып белү активлыгын үстерү. Каршылыкларны җиңүдә мөстәкыйльлекләрен үстерү

Һәр баланы үз сабые сыман
Иркәли ул сөя ярата
Хөрмәт йөзе берүк сүрелмәсен
Тәрбиячеләргә карата

Эшегезгә тугры булганыгыз өчен
Рәхмәт әйтә әти-әниләр.
Тәрбияче икенче әни дип
Юкка гына, юкка әйтмиләр

24 нче сентябрь  көнне,  балаларда халык иҗатына мәхәббәт тәрбияләү максатыннан, Бигәнәй  "Ромашка" балалар бакчасында тәрбияләнүчеләр белән "Халкымның күңел бизәкләре" дигән  чара үткәрелде. Әлеге чарада балалар  татар халык җырларын һәм биюләрен бик теләп башкардылар, фольклор жанрдагы  уеннарда  катнаштылар. Балаларга мәкальләр, әйтемнәр, җырлар тәкъдим ителде. Алар, һичшиксез, халык иҗатын эстетик яктан кабул итүне үстерүгә ярдәм итте. Әлеге чараның эчтәлеге, аның уеннары, биюләре, җырлары балаларда зур кызыксыну уятты.

"Ромашка" балалар бакчасында тәрбияләнүчеләр белән  Бигәнәй мәдәният йортында булган укчы  Андрей турында рус халык әкияте буенча куелган курчак театырын  карарга бардык. Балаларны хезмәт сөяргә, тырыш, эшчән, бердәм, дус-тату булырга кирәклегенә бик яхшы төшендерде.

Бүген безнең газиз мөдиребез, Рәфисә Нурлыгаяновнанның юбилей көне.Рәфисә Нурлыгаяновна,сезне олы бәйрәмегез  , юбилеегыз белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның күңел җылысын тоеп, игелекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.