Татарстан Республикасы  Мәгариф һәм фән министрлыгы  Яр Чаллы шәhәре башкарма комитеты мәгариф hәм яшьләр белән эшләү идарәсе һәм Яр Чаллы социаль-педагогик технологияләр һәм ресурслар институты белән берлектә 2015 нче елның 11 нче декабрендә муниципаль автономияле  гомуми белем бирү учреждениесе  «Гали Акыш исемендәге 84 нче лицей-интернат» базасында   «Яшьләр фәнни эзләнүдә»  республика фәнни-гамәли укучылар  конференциясе үткәрелде. Чара әдәбият елы кысаларарында, эзләнү эшчәнлеге аша укучыларның иҗади фикер йөртүләрен, интеллектуаль сәләтләрен активлаштыру максатыннан чыгып 8-11 сыйныф укучылары өчен уздырылды.Әлеге чарада Сәләтле балалар мәктәбенең 10нчы сыйныф укучысы Арикеева Гөлүсә дә катнашты (җитәкчесе- Гомәрова Рушания Рифмировна) һәм уңышлы чыгыш ясап,  “Иң тирән эзләнү эше” номинациясендә лауреат исеменә лаек булды.   Гөлүсәне зур җиңүе белән тәбрик итәбез, яңа иҗади уңышлар теләп калабыз.