7 май көнне Бөек Ватан сугышының 70 еллыгы уңаеннан Казан шәһәренең Муса Җәлил опера һәм балет театрында президентыбыз Рөстәм Нургали улы Миннеханов катнашында  сугыш һәм тыл  ветераннарына медальләр тапшыру тантанасы булды. Әлеге кичәгә мәктәбебезнең 7 сыйныф укучысы Багманов Тимур “Җиңү алып килүче якташларыбыз: Бибарцева Тәскирә Хәсәновна” дип исемләнгән баннер белән таныштыру  максатыннан барды. Бинаның фойесында һәрбер районнан килгән баннерлар урнаштырылган иде, укучылар бер-берсе белән аралашып, республикабызның башка районнары турында күп мәгълүмат алып, яңа дуслар табып, президентыбыз белән күмәк рәвештә фотога төшеп, күтәренке рухта таралыштылар.