Бәйрәм  чарасының икенче өлешендә сугыш башланган көннән алып, бүгенге көнгә кадәр илебездә булган үзгәрешләр театральләштерелгән формада тәкьдим ителде. Әлеге чарада безнең мәктәпнең педагогик һәм техник хезмәткәрләре ирләрне сугышка озату күренешен уйнадылар. Күз яше, тормыш авырлагы,  ирләрен сугышка озатучы хатыннарның, улларын озаткан әниләрнең, әтиләрен  озаткан балаларның йөрәк әрнүе, ирләрнең туган илгә мәхәббәте дә чагылды әлеге күренештә. Без мәйданнан үткәндә күпләрнең күзендә яшь иде. Һәркемнең күңелендә бер теләк: бу рольне чынбарлыкта уйнарга туры килмәсен - сугышлар кабатланмасын!