15 март көнне Ш.Биктимеров исемендәге район мәдәният йортында “Талантлар утравы – 2015” гаилә ансамбльләре фестиваль – конкурсы булып үтте. Әлеге фестиваль район күләмендә талантлы балаларны, гаиләләрне барлау һәм үстерү максатыннан үткәрелде. 6 сәгать дәвам иткән әлеге бәйгедә 110 гаилә  чыгыш ясады. Иң яхшы, оригиналь, зәвыклы номерлар  фестивальнең  15 май көнне үтәчәк гала – концертында чыгыш ясаячаклар. Фестивальдә безнең мәктәп укучылары һәм укытучылары да актив катнашты: Нәфкат (әтисе Назыйф Мөбәрәкшин белән – вокал номинациясендә), Лиана Лукманова (әти – әнисе белән - вокал номинациясендә), Булат Мөбәрәкҗанов (әнисе Алҗбина Мөбәрәкҗанова белән – хореография  номинациясендә), өстәмә белем бирү педагогы Миләүшә Насибуллина (улы Тимур белән - хореография  номинациясендә), Гөлнара Галиакберова (сеңлесе Энҗе һәм әтисе белән - вокал номинациясендә). Һәм иң куанычлысы -  номерларның барысы да гала – концертка үтте. Афәрин! Молодцы! Уңышлар!