10-18 март көннәре “Яхшылык атнасы” дип игълан ителде. Шул уңайдан 13 март көнне Сәләтле балалар мәктәбе укучылары һәм укытучылары Икшермә авылында урнашкан “Тургай” балалар приютында концерт куеп кайттылар. Укучылар башкаруында җырлар, биюләр балалар тарафыннан бик җылы кабул ителде. Катнашкан укучыларыбыз: Лукманова Лиана (2А), Галимзянова Гүзәл (2А), Давлетшина Илүзә (2А), Галимуллина Алия (2А), Фазлыева Камилә (2Б), Кашапова Камилә (2Б), Хурамшина Фәридә (2Б), Хурамшина Әмир (5А), Мавлявиев Илназ (5А), Галимуллина Алинә (8А), Габтерахманова Камилә (8А). Аларга мәктәп дирекциясе исеменнән һәм “Тургай” приюты хезмәткәрләре һәм балалары исеменнән зур рәхмәтебезне белдерәбез. Яхшылык җирдә ятмый. Назга сусаган балаларның бер елмаюы да томыштан кәнагать булырга, шөкер итеп яшәргә өнди. Концертыбызның ахырында алып килгән күчтәнәчләребезне тапшырып, барыбыз бергә фотога төштек.