28 нче декабрь көнне мәктәбебездә 1-5 нче сыйныф укучылары өчен ЯҢА ЕЛ кичәсе үтте. Укучыларның чыгышлары кызыклы мәгълуматлар белән баетылып, җыр-биюләр белән үрелеп барды. Кыш бабай һәм Кар кызының кунакка килүе, укучыларыбызның шигырь сөйләп, бүләк алулары, укытучы һәм тәрбиячеләр әзерләгән спектакль - бәйрәмебезне тагын да ямьләндереп җибәрде. Чыршы тирәли әйләнеп, җыр җырлап, төрле уеннарда катнашып, укучыларыбыз күп бүләкләр алдылар. Бәйрәмебез ахырында, тәрбия эшләре буенча директор урынбасары – Димөхәмәтова А.Ш. чыгышларга нәтиҗә ясап, һәр сыйныфка грамота һәм истәлекле бүләк тапшырды. Кичәбез сихерле һәм күңелле үтте!