6 декабрь көнне Саба район мәдәният йортында “Ш.Биктимеров исемендәге 3 республикакүләм балалар театр сәнгате фестивале”нең финал этабы үткәрелде. Әлеге конкурста барлыгы 38 коллектив катнашып, шулар арасыннан 10сы финал этабына катнашу хокукына ия булган иде. Безнең Сәләтле балалар мәктәбенең 4 нче сыйныф укучылары да Туфан Миңнуллинның “Үзем белән үзем” әсәрен сәхнәләштереп катнаштылар. Алар һәрберсе үзләренә куелган зур җаваплылыкны аңлап, лаеклы чыгыш ясадылар. Жюри комиссиясе дә безнең чыгышыбызны яратып кабул итте һәм кечкенәләр төркемендә (1 – 4 класс) безнең укучылар 2 урынга лаек булдылар. Коллектив Диплом һәм акчалата бүләк белән бүләкләнде. Әлеге спектакльне сәхнәләштерүдә хезмәт куйган түбәндәге педагогларга олы рәхмәтебезне белдерәбез: Гөлия Шамилевна, Миләүшә Гайфулловна, Айгөл Шаһинуровна, Миләүшә Ильдаровна.