Шәүкәт Биктимеров – Сабабызның гына түгел, бөтен Татарстанның йөзек кашы. Шушы көннәрдә республика буйлап сәнгать мәктәпләрендә, мәдәният йортларында аның туган көнен билгеләп үттеләр. Безнең мәктәбебездә дә якташыбызның туган көне уңаеннан күргәзмә оештырылды. Тәнәфес вакытларында телевизор экраннарында аның иҗаты, тормыш юлы турында видеолар күрсәтелде. Укучылар өчен викторина үткәрелде. Шунысы бик тә сөендерде: җаваплары төгәл, дөрес иде. Бәйрәмебез Шәүкәт Биктимеров уйнаган “Әлдермештән Әлмәндәр" пьесасындагы Әлмәндәр картның “Ала карга” җырын мәктәбезбезнең барлык укучылары һәм укытучылары бергә башкарып тәмамланды.