“Ел укытучысы – 2014” конкурсының бүләкләү тантанасында  Сәләтле балалар мәктәбе коллективы кызыклы, заманча чыгышлары белән район мөгаллимнәре каршында чыгыш ясады: тамашаны алып бардылар – Мусина Ләйсән, Гаптерахманов Булат; инглиз телендә җыр – тәрбияче Гөлчәчәк Абдуллина, гитарада – Айназ Дәүлиев; флешмоб биючеләр – укучылар һәм укытучылар. Һәр чыгыш яратып кабул ителде, алкышларга күмелде. Район башлыгы Рәис Нургалиевич та безнең чыгышларны, гомумән безнең мәктәпнең эшчәнлеген югары бәяләп, рәхмәт белдерде. “Сәләтле балалар мәктәбенең  нәтиҗәләре бик куандыра. Шулай дәвам итегез!”, - диде ул.