Мәктәбебездә бу атна Габдулла Тукайның тууына 140 ел тулуга багышланган туган тел атналыгы буларак билгеләп үтелә. Атналык кысаларында төрле чаралар планлаштырылды: бәйгеләр, әдәби кичәләр, интерактив уеннар, кызыклы тәнәфесләр, иҗади күргәзмәләр һәм акцияләр. Укучылар татар теленең матурлыгын, байлыгын һәм тарихын тирәнрәк аңласыннар, бөек шагыйребезнең тормыш юлын һәм иҗатын киләчәк буыннарга җиткерүдә өлеш кертсеннәр өчен барлык шартлар да тудырылды.
7,8 сыйныф укучылары "Эш беткәч, уйнарга ярый" сүзлек байлыгын тикшерү бәйгесендә көч сынаштылар. Алдагы көннәрдә дә кызыклы чаралар көтелә. Татар теле атналыгы – безнең гореф-гадәтләребезне, милли рухыбызны ныгыту өчен искиткеч мөмкинлек.