Сәләтле балалар мәктәбенең башлангыч сыйныфлар блогында бик актуаль һәм кызыклы күргәзмә оештырылды. Күргәзмәнең авторлары: 3 нче сыйныф укучылары һәм сыйныф җитәкчесе Маулина Зилә Мисуаровна. Күргәзмәне баетуда һәр укучы да бик теләп катнашты. Күргәзмәдәге җимлекләр төрле материаллардан: агач, кәгазь тартмалардан һәм су, сок шешәләреннән ясалган иде. Алар үзләренең бизәлешләре, кошлар өчен уңайлы булулары белән аерылып торалар. Җимлекләргә, укучылар алып килгән, ипи валчыклары, көнбагыш орлыклары, арпа, бодай ярмалары куелды. Киләчәктә бу җимлекләр мәктәп бакчасына урнаштырылачак һәм кошларны үзләренең тәмледән-тәмле ризыклары белән сөендерәчәк.