12 декабрь көнне Сәләтле балалар мәктәбе тәрбиячеләре, 1 сыйныф укучылары белән берлектә, Байлар Сабасының 5 балалар бакчасында (“Әллүки”, “Шатлык”, “Кыңгырау”, “Алтынчәч”, “Бәләкәч”) кунакта булып кайттылар. Бу сәяхәтнең максаты бакчага йөрүче балалар белән якыннанрак танышу, аларда чит телгә карата кызыксыну уяту иде. Мәктәпкә әзерлек төркемнәренә йөрүче балалар инглиз телендә куелган “Кызыл калфак” (“Little Red Riding Hood”) әкиятен бик кызыксынып карадылар. Алар һәр геройны алкышларга күмеп каршы алды. Үзләренең  дә шулай инглиз телендә сөйләшергә өйрәнәсе килү теләкләрен җиткерделәр. Ә без үз чиратыбызда аларны мәктәбебезгә белем алырга чакырдык.