"Дуслык" лагеренда 7нче көн "Эколяталар-табигать дуслары" дип исемләнде. Иртәнге линейка, гимнастикадан соң балалар Төбәк авыл клубына экскурсиягә бардылар, клубта күңелле уеннар уйнадылар. "Мөһим әңгәмәләр" циклыннан "Арктика" турында презентация, видеороликлар караганнан соң, калдык материаллардан мода күргәзмәсе оештырылды. "Наркотикларга-ЮК!", "Эколята-безнең дусларыбыз" рәсем бәйгесендә дә актив катнаштылар.

 6 июня в пришкольном лагере прошел День русского языка. В этот день были проведены  Час поэзии "Там чудеса", посвященный поэзии А.С.Пушкина,  конкурс рисунков «Любимые сказки А.С. Пушкина»,   затем ребята с удовольствием посмотрели фильм «Сказка о мертвой царевне и семи богатырях».

"Җилкән" лагеренда ял белән хезмәт чиратлаша. Бүген тәҗрибә участогында эшләп кергәч, "Великий и могучий русский язык" темасына КВН узды.

"Дуслык" лагеренда 5нче көн "Дөньяда иң җитезе кем?" интеллектуаль уены һәм "Экологик ассорти" спорт уены белән башланды. "Сулыклар янында үзеңнне  ничек тотарга" темасына әңгәмәдән соң балалар Нысы елгасы буйлап экскурсиягә чыктылар. Табигатьнең искиткеч матурлыгына сокланып, хәрәкәтле уеннар уйнап, чираттагы бер көннең узганы сизелмәде дә.

Иртәнге линейка һәм гимнастикадан башланган бүгенге көн "Семицветик"   психологик үзәге психологлары белән тренинглар белән дәвам итте. "Зөлхиҗә" чишмәсенә экскурсия вакытында балалар бу чишмәнең тарихы белән таныштылар. "Безнең нәни дусларыбыз" темасына плакатлар ясаганнан соң, "Дуслык" лагерендагы бу көнгә йомгак ясалды.

"Яшь эколог" көне "Космонавтика тарихы"  буенча әңгәмәдән соң "Мин-эколог" дигән уен-викторина белән дәвам итте. "Күңелле стартлар"да балалар җитезлектә ярышсалар, төшке аштан соң "Табигатьне сакла!" әйтеме астында экологик сукмак буйлап сәяхәткә чыктылар.

"Дуслык" лагеренда 2нче көн "Яшел утраучык" дип исемләнде. "Физика-математика патшалыгында кунакта", "Дару үләннәре патшалыгына сәяхәт" чаралары танып-белү максатыннан узса, волейбол ярышында балалар  үзләрен спорт өлкәсендә сынадылар. "Шар-ах-шоу" музыкаль-күңел ачу уены да беркемне дә битараф калдырмады. Бу көн бик күңелле һәм файдалы узды.

Лагерьда һәр көнебез Россия Федерациясе, Татарстан Республикасы Гимннарын башкарып, флаг күтәрү белән башланып китә.

1 июньнән 7 укучыбыз "Җилкән" хезмәт һәм ял лагеренда эшли, ял итә. Лагерь әшчәнлегенең 1нче көне "Балачак исемендәге планета" дип аталды. Куркынычсызлык техникасы буенча әңгәмәдә соң балалар мәктәп бакчасында эшләделәр. Бу көн "Безнең тирәдәге дөнья" дигән әңгәмә белән тәмамланды.

1 июнь-Балаларны яклау көне. Җәйнең матур бу көнендә мәктәбебездә 54 балага исәпләнгән "Дуслык" ял һәм сәламәтләндерү лагере эшли башлады. "Фиксики", "Черепашки", "Смешарики", "Смурфики" отрядларына бүленгән балалар куркынычсызлык техникасы кагыйдәләрен искә төшергәннән соң, отряд почмагын эшләделәр. "Бәхетле балачак" асфальтка рәсем бәйгесендә балаларның матур хыяллары чагылыш тапты. "Танышу көне" дип исемләнгән 1нче көн күңелле генә узып китте.