26 нчы апрель Габдулла Тукайның туган көне. Бүген без Ике басу Арташ авыл мәдәният йортында Габдулла Тукайның туган көнен билгеләп үттек. Балалар күренекле шагыйрьнең "Гали белән кәҗә", "Фатыйма белән сандугач", "Кызыклы шәкерт", "Безнең гаилә", "Бишек җыры", "Эш беткәч, уйнарга ярый", "Бала белән күбәләк" шигырьләрен тамашачыларга сөйләп үттеләр. Бәйрәм Габдулла Тукайның "Туган тел" җыры белән тәмамланды.

Ике басу Арташ авыл мәдәният йорты җитәкчесе Мәхәммәтҗанова Раилә Равилевна һәм авыл китапханәсендә эшләүче Сәрия Хәкимҗановна белән Тукай бәйрәмендә

Сәләхиева Динә башкаруында "Бишек җыры"

Балалар "Эш беткәч, уйнарга ярый" шигырен тамашачыларга сәхнәләштереп күрсәттеләр

Билалова Мәликә башкаруында "Гали белән кәҗә" шигыре

Бәйрәм азагында Габдулла Тукай иҗатына багышланган "Могҗизалар кыры" уены уйналды. Финалда җиңүче дип Ике басу Арташ "Күбәләк" балалар бакчасы тәрбиячесе Гаянова Рәйхан табылды.

И Сабыйлар! Эшләгез сез, иң мөкаддәс нәрсә - эш,

Эш агачы һәрвакытта бик юмарт китрер җимеш.

Тукта, чү! Ямьсез тавышлы әллә нәрсә кычкыра.

Сискәнеп, безнең Җегет катып кала аягүрә,

Аңламастан, каршысында әллә нинди «ят» күрә.

Нәрсә бу? Качкынмы, җенме? Йә өрәкме, нәрсә бу?

Кот очарлык, бик килешсез, әллә нинди нәрсә бу!

Борыны кәп-кәкре — бөгелгәндер тәмам кармак кеби;

Төз түгел куллар, аяклар да — ботак-тармак кеби.

Ялтырый, ялт-йолт киләдер эчкә баткан күзләре,

Кот очар, күрсәң әгәр, төнлә түгел — көндезләре.

Яп-ялангач, нәп-нәзек, ләкин кеше төсле үзе;

Урта бармак буйлыгы бар маңлаенда мөгезе.

Кәкре түгелдер моның бармаклары — бик төз төзен,

Тик килешсез — һәрбере дә ярты аршыннан озын.

22 нче апрельдән 26 нчы апрельгә кадәр "Габдулла Тукай мәңге безнең күңелләрдә" темасы буенча эшчәнлек алып барыла.