Безнең Юлсубино төп гомуми белем мәктәбе дә бу чарадан читтә калмады. Муниципаль турга үткән  һәр укучы, үз өстендә җаваплылык тоеп, фән  укытучылары белән берлектә  ныклы хәзерлек алып бардылар. Нәтиҗәсе дә куандырырлык:мәктәбебез 2014 нче елны 14 призлы урын белән тәмамлады. 9 нчы сыйныфтан Шакирова А.  6 призлы урын яулады: татар  һәм рус телләре, рус әдәбиятыннан  - җиңүче, география, биология һәм җәмгыять белеменнән- призер. Шул ук сыйныфтан Хәйруллина Э. татар әдәбиятыннан – җиңүче, экология һәм хокук фәннәреннән  призер булды. Математикадан 5-6 сыйныф укучылары Гилемханова Э., Сәлахиева М., Кәримуллина Г. ләр яшьтәшләре арасында 2нче, 3 нче урыннарны бүлештеләр. Татар теленнән 6 нчы сыйныф укучысы  Кәримуллина Г., 7 нче сыйныфлар арасында көч сынашып, 2 нче урынга лаек булса, Нәҗмиева А. чираттагы 3 нче урынга ия булды. Укучыларыбыз әлеге бәйгедә үзләренең белемле булуларын таныттылар. Әлеге уңышларга фән ияләренең тырыш хезмәте дә салынган.

      Бүгенге көндә Шакирова А.   татар  һәм рус телләреннән республика этабындагы олимпиадаларга хәзерләнә. Айгөлгә зур бәйгедә уңышлар телибез.

Укыту тәрбия эшләре буенча директор урынбасары

Кәримуллин Фәнис Госман улы