Күгәрчен мәктәбендә бик күп еллар  җыр укытучысы һәм педагог-оештыручы  вазыйфасын башкаручы Мөбәрәкшина Фирдәвес Җәүдәт кызының 55 яшьлек күркәм юбилее булып узды. Укытучылар һәм укучылар аның хөрмәтенә бик матур бәйрәм оештырдылар. Ә без аңа тагын бер кат исәнлек-саулык, озын гомер, гаилә бәхете, эшендә зур уңышлар телибез.

4 нче декабрь көнне, Күгәрчен мәктәбе укучылары Урахча авылы мәктәбенә барып, үз яшьтәшләре белән очраштылар. Алар волейбол уены буенча көч сынаштылар.Укучыларга кызыклы, файдалы һәм бу җылы очрашуны оештырган өчен Урахча һәм Күгәрчен мәктәбе директорлары Галиев Р., Мингарипов М.Г., укучыларны әзерләүдә зур тырышлык куйган физик тәрбия җитәкчесе Хөснетдинов М.И. чиксез рәхмәтебезне белдерәбез.

Барлык сыйныфларда да инвалидлар декадасы уңаеннан сыйныф сәгатьләре булып узды.

27 нче ноябрь көнне Күгәрчен мәктәбендә "Әниләр көне" үткәрелде. Бәйрәмгә балалар шагыйрәсе,"Сабантуй" журналы редакциясенең әдәбият бүлеге җитәкчесе Йолдыз Шәрәпова килгән иде. Бәйрәм бик күңелле һәм файдалы үтте.

Күп еллар инде Күгәрчен мәктәбе укучылары "Сабантуй" журналының ЗТК да катнашып киләләр. Алай гына да түгел алар ничә ел җиңүчеләр рәтендә, җитәкчеләре Тәнзилә Әсәтулла кызы.Ә быел махсус аларны бүләкләргә редакциядән Йолдыз Шәрәпова килде. Аның "Әниләр көне" нә туры килүе бәйрәмгә тагын да нур өстәде. Чөнки Йолдыз Әдип кызы, шагыйрә генә түгел, ә үрнәк әни, үрнәк гаилә учагын сүндермичә саклап торучы. Очрашу әниләр күңеленә бик хуш килде. Йолдыз Әдип кызы белән очрашуны оештыруда инциатива күрсәткән, ярдәм иткәне өчен татар теле укытучысы Тәнзилә Әсәтулла кызына чиксез рәхмәтебезне җиткерәбез.