Апрель ае – ул бөек шагыйребез Габдулла Тукайны искә алу ае. Мәктәбебездә дә шул уңайдан күп кенә чаралар узды. Укучылар Тукай әкиятләре, шигырьләре буенча рәсемнәр ясадылар, шагыйрьнең музеенда булдылар, шигырь сөйләүчеләр бәйгесендә көч сынаштылар. Ә бүген “Апушның тылсымлы төшләре” дигән әдәби-музыкаль кичәдә катнаштылар. 1-7 сыйныф укучылары әлеге кичәгә бик тырышып әзерләнгәннәр. Г.Тукайның шигырьләре, җырлары яңгырады, аның берсеннән – берсе матур әсәрләрен сәхнәләштерделәр.