2024 нче елның 26 нчы  августында 186 нчы лицей  базасында Вахитов һәм Идел буе районнары  милли эшләр буенча директор урынбасарларының        «Күп мәдәниятле мохиттә туган телләрне укыту һәм тәрбия бирүдә заманча технологияләр» темасына секция утырышы үтте. Вахитов һәм Идел буе районнары буенча Казан шәһәре мәгариф идарәсе бүлеге җитәкчесе урынбасары Аббязова Лилия Ринат кызы «Вахитов һәм Идел буе районнарында милли мәгариф үсеше: стратегик юнәлешләрдән конкрет нәтиҗәләргә» дигән  темага чыгыш ясады. Милли эшләр буенча мәгълүмати-методик бүлеге секторы методисты Самойлова Ләйлә  Ахмадулла кызы  «Педагогның һөнәри компетентлыгын арттыру ысулы буларак һөнәри бәйгеләрнең нәтиҗәсе» темасына  чыгыш ясады һәм яңа уку елына куелган бурычларга басым ясады. Утырышта 116 нчы лицейның туган (татар) тел укытучысы Габдинова Зилә Әфтах кызы, 27 нче гимназиянең иҗади эшләүче туган (татар) тел укытучысы Нурмиева Гөлгенә Вазых кызы да чыгыш ясадылар. Секция ахырында бүләкләү тантанасы булды.