Агымдагы елның 16 нчы февралендә Идел буе районының 48 нче мәктәп  базасында татар теле һәм әдәбияты укытучылары өчен “Татар теле һәм әдәбияты дәресләрендә коммуникатив компетенцияләрне үстерү” дигән темага  район семинары булып узды. Семинарны Вахитов һәм Идел буе районнарының методик-мәгълүмати бүлек методисты Җиһангирова М.В. ачып җибәрде. Семинарның темасы буенча 48 нче мәктәпнең милли эшләр буенча директор урынбасары Шакирзянова Р.Р. чыгыш ясады. Татар те6ле һәм әдәбияты укытучылары  Аскарова К.С., Багавеева Р.М., Нургалиева Р.Р., Шамсетдинова Г.Ш. тарафыннан бирелгән дәресләр килгән укытучылар тарафыннан югары бәяләнде. Туган телләр айлыгы кысаларында Хазиева Н.М., Гильмуллина Э.А. тарафыннан әзерләнгән Ф.Яруллинның иҗатына багышланган әдәби-музыкаль кичә дә бик матур узды. Семинар эчтәлекле һәм файдалы үтте.