2016 нчы елның 22 нче апрелендә Муса Җәлил исемендәге опера һәм балет театрының концертлар залында Татарстан Республикасының Премьер-министр урынбасары,  мәгариф һәм фән министры Энгель Фәттәхов катнашында татар теле һәм әдәбиятыннан Халыкара олимпиаданы йомгаклау тантанасы булып узды. 19-22 нче апрельдә Казанда уздырылган әлеге олимпиаданың финалында Япония, Канада, Франция, Австралия, Финляндия, Таджикистан, Казахстан, Төркия, Үзбәкстан, Бельгия, Кыргызстан  Әзербәйҗан һәм Россиянең төрле төбәкләреннән 500 дән артык укучы һәм студент  катнашты. Безнең  өчен иң куанычлысы Вахитов районының 27 нче гимназия укучысы Мөбәрәкшина Зилә (укытучысы Нурмиева Г.В.) Гран-прига лаек булды. Шулай ук 2 нче урынга лаек булган 39 нчы мәктәп укучысы Свердруп Антоний, 19 нчы гимназия укучысы Гумбатов Танрыверди һәм “Габдулла Тукай иҗатын иң яхшы белүче”  номинациясендә 18 нче мәктәп укучысы Мартюгина Элина сәхнәдә диплом белән бүләкләнделәр. Без бу укучыларны һәм аларны әзерләгән укытучыларны   җиңүләре белән котлыйбыз һәм яңа уңышларга ирешүләрен телибез!