17 нче март  көнне Идел буе районының 52 нче гимназиясендә  «Татар теле дәресләрендә укучыларны бердәм республика тестына әзерләү алымнары» дигән темага 9 нчы сыйныфларда эшләүче татар теле һәм әдәбияты  укытучылары  өчен семинар - практикум булып узды. 52 нче гимназия укуытучылары: Шакурова Ф.И., Галиева Т.Д. һәм Хәбибуллина Р.Р.  практик дәресләрдә укчыларны бердәм республика тестына әзерләгәндә кулланыла торган методик алымнарны, эш төрләрен күрсәттеләр.  Югары квалификацион категорияле татар теле укытучысы З.Ш.Галиева күрсәткән мастер-класстан укытучылар сөйләм ситуациясенә караган репликаларны һәм шәхси хат язу биремнәрен бәяләү критерийларын өйрәнделәр. Түгәрәк өстәл артында  район методик мәгълүмати үзәк методисты Милүәшә Васыйловна һәм 52 нче гимназиянең милли эшләр буенча директор урынбасары Гөлсу Мәгъсумовнаның  чыгышларыннан укытучылар үзләрен борчыган сорауларга җавап таптылар, үзләренең эш тәҗрибәләре белән уртаклаштылар. Семинар килгән укытучылар тарафыннан югары бәяләнде.