Бүген Көек авылының "Елмаю" исемендәге 3 нче номерлы Билингваль балалар бакчасында тагын бер күңелле чара, халыкара туган тел көне шаулап- гөрләп узып китте. Бу бәйрәмдә балалар белән берлектә төркем тәрбиячеләребез бик теләп катнаштылар, 7 милләтнең гореф- гадәтләрен күрсәттеләр. Идел буе халыклары – татарлар, башкортлар, чуашлар, марилар, удмуртлар һәм башкалар – гасырлар буена үз милли йолаларын саклап яши. Бу халыкларның гореф-гадәтләре, бәйрәмнәре авыл хезмәте, табигать һәм гаилә кыйммәтләре белән тыгыз бәйләнгән. Әлеге чаралар әби- бабаларыбыздан калган гореф- гадәтләрне саклап калырга ярдәм итә.