Хөрмәтле, кадерле әниләребез, әбиләребез, кызлар, хезмәттәшләр! “Колокольчик” балалар бакчасы администрациясе сезне 8 март халыкара хатын-кызлар көне белән тәбрик итә! Календарьда яз булуга карамастан ,урамда әледә да кар ята. Бу матур ел фасылын халыкара хатын-кызлар көне ачып җибәрә. Безнең балалар бакчасында 4-7 март аралыгында җырлы-биюле чаралар булып узды. Балалар узләренең әнилэрен, әбиләрен котлар өчен бик тырышып әзерләнделәр. Тәрбиячеләр белән берлектә балалар җырлар җырладылар, биеделәр, әниләре белән бергә уеннар уйнадылар. Хәтта кайбер әниләрнең күзләреннән яшьләр килде. Һәрбер бала үз куллары белән эшләнгән бүләкләрен әниләренә тапшырды. Узган бәйрәмнәр балалар бакчасына язгы бәйрәм рухы керттеләр. Хөрмәтле, хатын-кызлар, бәйрәм белән Сезне!