Мәктәп музеенда авылдашыбыз Мортазин Кәлимулла Мортазовичның медальоныннан чыккан язма саклана. Әлеге язманың авылыбызга кайтып җитү тарихы белән 9 нчы сыйныф укучыларын музей җитәкчесе Таңсылу Атлас кызы Рәхимова таныштырды. 1942 нче елдан хәбәрсез югалган авылдашыбызның мәете һәм шәхси медальоны 1999 нчы елның августында "Истина" Бөтенрәсәй эзләнү төркеменең Тверь өлкәсендә казу эшләре барышында табыла.2000нче елның 22.06 Тверь өлкәсе Пено районы Слаутино авылында туганнар каберлегенә 256 нчы дивизиянең 930 нчы укчы полк минометчысы рядовой Мортазин Кәлимулла  Мортазович җирләнә.

2001 нче елның июнь аенда  солдатның оныгы Билданов Рушат  үзенең гаиләсе белән бабасының каберен күрергә бара. "Истина"  эзләнү төркеме  солдатның гаиләсенә Подольск шәһәрендәге архивтан алынган материалларны тапшыра.

Билданов Рушат бабасының истәлеге булган архив язуларын мәктәп музеена тапшырды. Киләчәк буында Туган җирне ярату, батырлыкка омтылыш, туган як кешеләренә соклану тәрбияләү максатында музей материалларын уңышлы файдалнган өчен мәктәп җитәкчелеге һәм әти-әниләр Таңсылу Атлас кызына бик рәхмәтле.