Кышкы каникулларга чыгар алдыннан мәктәпкә Нурлат районы һәм шәһәре юл инспекциясе вәкиле  Мөгайнетдинов Ренат Гайнетдин улы килеп, укытучылар, ата-аналар  һәм укучылар белән әңгәмә үткәрде.

-Кыш ак карлары, озын каникуллары белән күңелләргә якын булса да, кышкы кар, боз иминлеккә зыян салырга мөмкин. Безне аеруча балалар иминлеге борчый. Быел республикада 14 бала һәлак булган, 600дән артыгы тән җәрәхәтләре алган.Үлүчеләр саны азайса да,җәрәхәтләнүчеләр саны артты. Юл кагыйдәләрен дөрес үтәмәүче 7 укучы безнең районда фаҗигага юлыкты. Шуларның 3 очрагында бала үзе гаепле, машина каршысына йөгереп чыкканнар, 2очракта җәяүле гаебе. Җәяүлеләр  генә түгел, транспортта утырып йөргәндә  дә зыян күрүчеләр бар. Балалар салонда иминлек креслоларына  утырып,тотып торучы чаралар белән беркетелгән булырга тиеш . Бу кагыйдәне үтәмәүчеләрнең сәламәтлегенә куркыныч  яный. Иминлек чараларын үтәмәгән, иминлек  каешларын каптырмаган  кешегә 3мең күләмендә штраф салына.  Фаҗига юл –транспорт кагыйдәләрен бозган очракта гына түгел, машина руле артына утырган балигъ  булмаган балалар тарафыннан да килеп чыга .Ата-аналар арасында 5.35 статьясын үтәмәүчеләр дә очрый. Машина артына балаларны утырту-зур җынаять.  14 яшьлек бала башка кешегә зыян сала икән,ул җәзага тартыла. Закон нигезендә 16 яшьтән балаларга административ җәза каралган. Ул -5-15 мең күләмендә штраф. Ата-аналар да җәзага тартыла, - диде инспектор.