“Кадак даганы саклый, дага юрганы саклый, батыр Ватанны саклый”,- ди халкыбыз. Ир-ат җәмәгате – гайрәтле, гыйлемле, тәвәккәл зат. Ходай аларга зур бурычлар йөкли. Имам, пәйгамбәр, дин эшлеклеләре, ил башлыклары фәкать шушы заттан. Никахларны, балага исем кушуны да фәкать алар гына укырга тиеш. Җирдәге тынычлыкны, Ватанны саклаучылар да - алар.

       23 февраль ил батырларына, Ватанны саклаучыларыбызга хөрмәт бәйрәме буларак билгеләп үтелә. Әлеге бәйрәм уңаеннан, без дә 5-7 сыйныфта укучы егетләребезне сынадык. Алар “Десант” уен-бәйгесендә үзләрен Ватан саклаучы солдат итеп хис иттеләр. Морзе әлифбасын кулланып элемтәче дә булдылар, “казармада” төрле биремнәр башкардылар. Тамашачылар егетләрнең “дошман тылы”нда “Маскировка” биремен үтәүләрен аеруча ошатты.

      Әлеге уен-бәйге гаярь егетләребезнең тырышып укуларын, батыр, көчле, чын ир-егетләр булып үсүләрен раслады.

                                   Әһлиуллина Г.Д., 5 сыйныф җитәкчесе