29 нчы гыйнвар көнне 14 нче номерлы “Әкият” балалар бакчасында балаларны татар теленә өйрәтүче тәрбияче Рәхимова Рәсимә Гасыйм кызы “Безнең гаилә - тату гаилә” дигән бәйрәм – кичәсен үткәрде. Бу бәйрәмдә Гайнутдиновлар, Бакировлар, Бикташовлар, Мифтаховлар, Шавалеевлар, Сибгатуллиннар гаиләләре катнашты. Гаиләләр төрле  ярыш – бәйгеләрдә  үзләренең һәрьяклап осталыкларын күрсәттеләр. Бәйрәм җыр – бию, татар халык уеннары белән үрелеп барды. Кичәгә Бичураның килүе дә  кунакларда уңай тәэсирләр калдырды. Бәйрәмдә катнашучы һәр гаилә үткәрелгән чарадан канәгать калды. Балалар һәм ата – аналар бергә күңел ачтылар, бер – берсенә ярдәмләшеп, гаилә командасы булып чыгыш ясадылар. Үз гаилә әгъзаларының уңышларын күреп шатлану, горурлану хисләре кичерделәр. Татар халкының милли трацияләрен, гореф – гадәтләрен искә төшерделәр, алар буенча булган белемнәрен ныгыттылар, кызыксынуларын арттырдылар.Хөкемдарлар гаиләләрне “Иң зыялы гаилә”, “Иң тырыш гаилә”, “Иң уңган гаилә”, “Иң күркәм гаилә”, “Иң иҗади гаилә”, “Иң җитез гаилә” номинацияләре буенча бәяләде.  Бу күңел ачу кичәсе татар теленә, аның бөеклегенә мәдхия уку булды! Бәйрәм кичәсе ата – аналар һәм балалар бакчасы арасында булган җылы мөнәсәбәтне ныгытты.